來源: 蘋果日報
張衛健疑睡眠窒息
張衛健噚晚到理工大學，為天主教原創音樂劇《流芳濟世》演出。佢喺劇中扮演「尤萃多」(代表「油水多」)，佢話：「代表我成日想要，但都係為喺教會，初頭以為好簡單，覺得做戲咁多年，又唱開歌，應該冇問題，但因為我完咗Big Four演唱會先有時間排，認真記台詞只得幾日，我唔擔心唔記得，有乜可以自己創作，但係未必爆肚，因為傳播福音，唔係乜都講得。」
張衛健話同老婆見過神蹟，仲救番佢。
健仔自言老婆張茜雖然未領洗，但比佢更投入教會嘅嘢；又爆之前發生神蹟，試過有晚半夜三四點他不斷喘氣，老婆就喺身邊不斷搖醒佢，並指見到聖母瑪利亞個樣。健仔懷疑自己係有睡眠窒息症，唔知係咪聖母顯靈、救番佢。
對於好兄弟許志安傳與鄭秀文喺沖繩試婚，健仔即話：「試乜鬼，仲試？都咁多年，乜嘢都唔使試啦，自己唔得閒理佢哋幾時返，但心急佢哋快啲結婚。」
沒有留言:
發佈留言