【報紙】取笑安仔唇厚似牛扒 羨慕阿嫂晚晚有得食

* 編按:
詳情可以看這篇。

日期: 1999年7月26日
來源: 天天日報

取笑安仔唇厚似牛扒  張衛健羨慕阿嫂晚晚有得食

許志安《99真心真意演唱會》在前晚舉行最後一場﹐連續七場的反應都相當好全場爆滿﹐而前晚可謂星光熠熠﹐當然少不了安仔的一班老友啦﹗好似何超儀﹑徐濠縈﹑陳百祥及沈殿霞等﹐當然少不了好朋友鄭秀文啦﹗

秀文匿埋一二角

但前晚﹐秀文就不如頭場那般大方﹐與謝霆鋒在旁一齊欣賞演唱會時﹐任影唔嬲﹐前晚反而一個人閃縮的企在台下﹐默默支持﹐更有數名保安遮住她﹐避免被記者拍照。

而前晚﹐演唱會的高潮都可算是張衛健突然在台上出現﹐連安仔自己也嚇了一跳﹐其實 Dicky 一早已在台下看著安仔的表演﹐當安仔唱緊《真心真意》時﹐突然多了一把聲與安仔合唱﹐之後 Dicky 便出現﹐更大叫﹕「Cut! Cut! 呢D咩歌??﹗要唱真真假假至得嘛﹗」

令到全場觀眾捧腹大笑﹐而安仔則非常感動﹐之後﹐Dicky 顯出他搞笑的本色﹐繼續講笑﹕「其實我都唔係有心出黎﹐你睇下我﹗成個勢都壓住你﹐下面其實全部都係我D Fans﹐你睇下你淨係識得擘大個口得個窿。」

Dicky 仲話﹕「大家睇下許志安個兩片唇﹐厚到好似兩塊牛扒咁﹐阿嫂就好啦﹗可以晚晚返屋企食牛扒。」此時﹐安仔已哭笑不得﹐但 Dicky 還意猶未盡說﹕「你唔好喊呀﹗好Out架啦﹗就算你喊一百次﹐我都唔愛上你架﹐不過如果你同個隻野結婚個晚﹐洞房時畀我瞓係你地中間﹐咁就夠老友啦﹗」

他續說﹕「至多我唔觀戰﹐亦都唔出聲﹐淨係聽﹐仲同你打氣﹐唱足球小將﹐衝呀衝快搶攻﹐射呀射﹐射他吧﹗安仔好?﹗一索得男。」而安仔在台上只有傻笑﹐完全不懂反擊﹐但就表現得相當感動。

Dicky 話﹕「我本來真係度唔到期返黎﹐但我同老細交換條件﹐係七十二小時之內﹐拍晒我既戲﹐就換到今晚（前晚）個假期。」之後二人便相擁﹐場面非常感動﹐之後二人還合唱足球小將。

在散場時﹐記者發現除了安仔的爸爸及哥哥來欣賞安仔的演唱會外﹐還有秀文的爸爸﹐他們均坐在頭行﹐儼如一家人般﹐記者更問秀文的爸爸﹐覺得安仔的演唱會如何﹖起初他則是笑笑口﹐之後才說﹕「幾好﹑幾好。」表現得相當大方。

表演期間咳出血

在慶功宴上﹐安仔坦言張衛健的突然出現﹐真的令他非常感動﹐因為之前他真的全不知情﹐而安仔原來在表演期間曾咳出血﹐安仔話﹕「我都唔知自己咳血?﹗係後來助手話番畀我聽先至知。」

安仔話在他與葉德嫻唱《教我如何不愛他》時﹐以為自己有痰﹐所以便用毛巾抹嘴﹐之後便掉落台﹐他的助手便接住﹐才發現他咳血﹐安仔話﹕「可能我未病好就食蛇膽﹐以為可以開聲﹐點知勞損到個喉嚨﹐我諗要好好休息下﹐而且我以後都唔敢食蛇膽呀﹗」