【報紙】安仔演唱會老友幫拖亂講野

日期: 1999年7月20日
來源: 太陽報

安仔演唱會老友幫拖亂講野

每次安仔演唱會都有一班兄弟到場做嘉賓，仲會贈兩句給安仔，今次蘇永康及梁漢文都有到場，張衛健雖身處北京，但留低冲一段影帶，就百無禁忌講到安仔喪禮。

纖維外殼棺材

張衛健話幫安仔在世界殯儀館租了個大禮堂，仲度身為安仔買左個有雙安全氣袋，纖維外殼的棺材，內附真皮，包保安仔瞓到唔願起身，更指安仔呃一筆後會同「個隻野」（暗指鄭小姐）遠走高飛。

至於蘇永康就話安仔悶，年年都搵佢地幾個兄弟，訪問時就話大家三個係生死之交，返到屋企就攬住佢個好朋友。