【報紙】張衛健壓軸捧安仔場

* 編按:
另有補充資料，詳情可以看這篇。

日期: 1999年7月26日
來源: 文匯報

張衛健壓軸捧安仔場

張衛健特別由北京趕回來為許志安做嘉賓，令安仔驚喜感動之餘，亦帶起全晚高潮，健仔抵死的台詞，令大家拍案叫絕，更笑到全場觀眾肚痛！

健仔本來一直在北京趕拍劇集，不能回港，故之前每一晚也是播放他一早錄好的片段，不過健仔為了老友竟同導演用七十二小時不眠不休來換一日假期回港，前晚他一直靜靜躲在台下看安仔演出，到安仔唱《真心真意》一曲時，健仔忽然由台下升上來，並賤賤格格向安仔笑道：「你睇你唱咩歌！應該唱《真真假假》先啱，你睇我成個勢都壓住你啦！你個人冇乜優點，得兩片唇厚似T骨牛排，阿嫂就好啦，可以晚晚番屋企食T骨排！」

安仔見老友如此為他，感動之餘又被對方的笑話引得捧腹大笑，健仔一見安仔感動得眼中閃著淚光，又再抵死道：「你唔好喊呀！依家喊好OUT架！你千祈唔好感動呀！唔駛夾硬谷眼淚出黎，你喊一百次我都唔會愛上你！除非你同個隻野結婚個晚，畀我瞓係中間，咁就夠老友啦！」語畢，健仔即唱其首本名曲《足球小將》：「攻呀攻快搶攻！射呀射！射她吧！」然後再抵死道：「恭喜安仔一索得男！」全場觀眾及安仔，被健仔之妙絕台詞引得十多分鐘內不停狂笑。

此外，安仔在舞台上所穿之超低腰褲，第一場試過出現露底情況後，前晚則再也不見了。