【報紙】張衛健抵死為安仔棍舞命名

日期: 1999年7月20日
來源: 大公報

安仔個唱  葉德嫻帶傷壓軸搶盡風頭 (節錄) 張衛健抵死為安仔棍舞命名

許志安個唱首場圓滿結束。內容包羅萬有，精采絕倫。

節目一：好友群起「數臭」安仔，仲大講大吉利是野。
節目二：葉德嫻帶傷上陣，喧賓奪主現場反應勁過安仔。
節目三：性感古怪服飾再加勁暴露Dancer，又搶盡安仔鏡。

就算唔想聽歌，一樣過足癮。

許志安《真心真意99演唱會》前晚假紅磡體育館舉行，全晚安仔性感演出，不但露點、露底酬謝Fans，一隻棍舞再加上老友張衛健的抵死贈言，簡直令觀眾難以忘懷，而嘉賓葉德嫻一首《明星》更是全晚高潮。

「棍舞」之所以能一夜成名，除了有安仔形容為史無前例的超低腰金褲外，背後一班超短褲赤裸上身的男Dancer亦功不可沒，不時會與安仔互摸外，手上的棍亦不時舞來舞去。

身為安仔「老死」的張衛健就抵死將棍舞名為「棍來棍去棍棍應」，「男仔棍仔扑安仔」及「安仔勇闖十八羅漢棍花陣」，並形容安仔對未婚妻貞潔，祝福他們白頭到老、一索得男。言下之意好似踢爆安仔同「好」朋友鄭秀文已經好事近，令全場觀眾拍掌大笑。

事後問安仔，他道：「真係要打長途電話鬧佢，叫佢做臭口Dick，我真係要澄清，我絕對未訂婚，心入面亦冇未婚妻。」

至於安仔演唱會，除了有一班老友贈興外，當然唔少得同歌迷講感情事。安仔就拒絕講肉麻話，反而以一曲「好友」鄭秀文的《默契》帶出彼此關係，並自彈自唱憑歌寄意。