【報紙】安仔七晚個唱吐血收場

日期: 1999年7月26日
來源: 東方日報

安仔七晚個唱吐血收場

一連七場《許志安99真心真意演唱會》，前晚在一片觀眾的笑聲、掌聲、安仔的眼淚中圓滿結束。安仔從綵排開始，已患上感冒，他邊練歌排舞邊食藥，一直頂到前晚終於與葉德嫻合唱《教我如何不愛他》時，咳出血。

「唱唱吓歌突然覺得有啲痰，吐落條毛巾後丟埋一邊，助手執起時見到一直唔敢講。直至慶功宴途中先講我知。」雖然安仔過度勞損，需要停唱一星期，但為了替譚詠麟灌錄新碟重唱《誰可改變》，他仍會頂硬上。

以往六場騷張衛健都只是透過錄像為安仔打氣，前晚他以「七十二小時不眠不休拍劇」作為來港一晚的條件，在安仔唱《真心真意》時突然出現， 安仔感動到喊，但Dicky竟抵死地說：「你（安仔）就算為我喊一百次，我都唔會愛上你。除非你同嗰隻嘢（Sammi）洞房花燭夜，俾我瞓中間，最多我唔觀戰，只係聽聲，或者間中俾意見，同埋唱歌。」

連串有味笑話

隨即唱出首本名曲《足球小將》：「『衝呀衝，快搶攻！射呀射，射他吧！』安仔，好嘢！一索得男。」而蘇永康則取笑安仔為了穿性感低腰褲， 不穿內褲。而Joey則取笑安仔其中一套外衣是：「防走光外洩帶，用來遮住黑肌上的兩粒提子乾。」阿敬即拉開安仔外衣驗明正身，說：「進步咗啦，係兩粒西梅乾呀！」這一連串「有味」笑話，台下觀眾笑到拍爛手掌。問到點解Sammi只站在場邊欣賞，又唔上台表演，安仔：「唔好咁貪心。有心咪得囉！主角係我，怕搶我鏡！」