【報紙】張衛健認錯賴鬼上身

日期: 2002年8月27日
來源: 太陽報

寸完黎明梁朝偉知衰  張衛健認錯賴鬼上身

張衛健日前指梁朝偉及黎明為人不及劉德華，他昨日承認講錯話，更抵死地說︰「依家係農曆七月鬼節，鬼上身、鬼剃頭、仲鬼拍喉嚨！」

張衛健（Dicky）日前為劉德華的分享會擔任嘉賓時，直指梁朝偉為人很Cool、不肯指桝新人，又暗寸黎明愛高調做新聞。Dicky昨日接受《開心日報》訪問時遲到，甫進入直播室坐低即說︰「錯晒喇！我錯呀！錯就錯在起唔到身，一起身睇完報紙就知又錯喇！」主持人阿叻陳百祥及車淑梅問他有何解釋，Dicky抵死地說︰「錯囉！只能講依家係農曆七月鬼節，鬼上身、鬼剃頭，仲鬼拍喉嚨。（有冇講過？）有講先至弊。（有冇誤會你意思？）弊就弊在冇誤會呢！」

健仔解釋對黎明（圓圖）及梁朝偉的言論，只是無心快語。

一時口快無心攻擊

問他見到偉仔時會如何，Dicky笑說︰「可能真係俾鬼壓，其實桝人唔係老奉簕，好彩佢當時冇桝我，如果桝我就弊喇！留鬚Look真係唔彻我。」當見到黎明又如何，Dicky坦言純屬開玩笑，他說︰「可能包一刻掛住Leon（黎明）咪講囉！當時華仔効台上聽完之後都嚇冲一跳，仲指住我，我就知道自己鬼拍喉嚨喇！我真係冇心蕂！唔係攻擊任何人，只係一時口快。（點解唔講𣈳你刋Friend康仔同安仔？）佢㳜未夠班同華仔看齊。」

阿叻大讚Dicky肯即時公開認錯說︰「畀幵係星仔，呢一世都唔會。」Dicky笑言是跟曾志偉學習，阿叻即抵死地說︰「如果佢肯認低威，就唔會出事啦！」

此外，車淑梅表示曾收到黎明歌迷傳真，對Dicky大表不滿，內容大致指Dicky沒資格批評黎明，及諷刺藝人不團結，但她不願將傳真給傳媒拍照。