來源: 東方日報
黃子華度難題考Big4
黃子華昨日亮相無線節目《Big 4大四喜》，擔任嘉賓的他反客為主，笑指蘇永康是BIG FOUR中唯一離過婚的成員，究竟幾時再Give Fun（結婚）？康仔當堂被考起。子華又謂是康仔女友要求代問的。康仔就笑謂學安仔一樣，交給上天決定。張衛健續笑說：「佢冇所謂，一不離二：二不『離婚』。」 子華解釋與康仔太熟：「以前一齊係內地拍劇，試過中秋節兩個男人坐係人力車上，一人手揸一個月餅賞月。」
至於今次四人會訪問他什麼？他笑道：「等他們給刺激我，其實知道要做他們嘉賓後，自己都有好大壓力，都唔知佢地會問乜，之前上《志雲飯局》差o的中招（想喊），今次有備而來，預備o左o的題目諗住睇時機就反問。（你想做主持？）做呢類節目，一係朋友多，一係總經理，我冇乜朋友，頂多拍四集，如果係做最好去外地取景，邊玩邊問，趁嘉賓精神錯亂先問到真心話。」
世界盃快開鑼，子華說：「對上一屆睇得好開心，同張梳化合而為一，我唔講捧邊隊，費事捧邊隊死邊隊。其實世界盃令自殺都少o的，富士康真係可以諗o下搞贊助。」
沒有留言:
發佈留言