【報紙】收歌迷紙紮飛機 康仔預四兄弟齊坐

* 編按:
這個可在YouTube看，睇到笑爆嘴!

獻唱愛莫能助 (來源: YouTube)

獻唱Big Four (來源: YouTube)

日期: 2010年6月14日
來源: 文匯報

收歌迷紙紮飛機 康仔預四兄弟齊坐

The Big Four四子許志安、張衛健、梁漢文(Edmond)及蘇永康昨日到apm出席「THE BIG FOUR香港站DVD+CD」簽唱會，其中Edmond不慎跣倒大出洋相，健仔唱歌時連番唱甩嘴，而康仔就收歌迷的紙紮飛機，笑話百出。

昨日的簽唱會上，四子即場唱出主題歌《Big four》，健仔不單入錯拍子，又多次唱甩嘴，連安仔及Edmond也忍不住望住他偷笑。為響應世界盃，他們又玩射龍門遊戲，安仔更提議不識踢足球的康仔做龍門，由健仔射球，當健仔射第一個時，康仔已跣腳跌坐地上，還來不及起身，已被其他三子不停用足球狂「省」，慘食「波餅」的康仔，即用足球掟他們，實行以牙還牙。

不過最搞笑還是Edmond，落台邊飲完水轉身返上台之際，不慎跣腳整個人趴在台邊的喇叭上，被眼明手快的安仔及健仔上前扶起，Edmond亦第一時間企起身當沒事發生一樣，十分搞笑。

獨留安仔回應婚事

活動尾聲大會又安排粉絲上台送禮物，當康仔接過粉絲送的飛機後，即笑問粉絲下次可否用其他物料，不用紙紮？Edmond即指著天笑著大叫：「蘇永康，收野喇！」之後輪到健仔收到粉絲送上Passport，背後更貼有四人的大相片。健仔亦不忘搞笑說：「真係有心，驚我們上唔到機，送紙紮Passport。」康仔就回應健仔笑說：「收紙紮飛機無所謂啦，反正都是四個人一齊坐。」Edmond即笑著窒他：「係你私人包機，我們係坐另一架。」康仔續稱：「其實都體諒Fans，買其他祭品貴些，紙紮平些。」安仔亦附和說：「Fans真係有心。」此外，安仔與舊愛鄭秀文復合傳聞傳個沒完沒了，近日又有雜誌封面大字標題指鄭秀文年底做許太。健仔聞言即帶笑反問：「做許冠英，英哥老婆？」說罷與Edmond及康仔即散開，留下安仔一個人回應，安仔表示無睇過報道，所以不想再回應。

健仔忘記歌詞是先天缺憾

Edmond當眾仆倒，事後他表示只是「硬」到褲袋，又自嘲不尷尬，因這方面經驗老到。健仔對此亦見慣不怪，並踢爆他說：「上次在TVB舞台都仆過一次。」Edmond就辯稱舞台是個危險的地方，又自嘲說：「吸收過上一次的經驗，今次好快企返起身。」健仔就笑他：「快起快跌？」

連番忘記歌詞的健仔，可謂老貓燒鬚。他死撐說：「我唔係忘記歌詞，只係唔記得輪到自己唱，我不是次次係咁，十次有八次，五場演唱會中有三場而已，但我們(Big Four)只得兩首新歌，我已好努力，但呢個係先天性缺憾。」他又承諾下次會落苦功，否則就對不起傳媒。