【報紙】深愛細佬甘心受靶

日期: 2011年5月6日
來源: 太陽報

張衞健深愛細佬甘心受靶

張衞健（Dicky）昨日出席Maurice Lacroix腕錶記者會，成為首位亞洲區代言人，更為廣告兼任導演，與大隊到瑞士拍廣告。

張衞健表示體諒細佬有病才會胡亂說話。

賺百萬元酬金的他，近日被患躁狂抑鬱症的弟弟Henry炮轟，要追討千萬元養老金，Dicky慨嘆：「家家有本難唸的經，長兄為父，呢個責任自己肩負咗好多年，一直以來盡最大努力去做好哥哥，我好愛每一位家人，好錫佢哋，好保護佢哋，包括係我弟弟。（對弟弟好失望？）唔可以講失望，依然深愛我家人。（體諒弟弟有病先亂講嘢？）唔好話家人，就算Fans有病，我都會安慰同支持，睇報紙見到唔識嘅人有不幸遭遇，都會出手幫助。」至於提供上水寓所和每月三萬元生活費予弟弟，Dicky只點頭回應。