【報紙】徐燦傑: 演唱會經濟學1

* 編按:
其實不算甚麼報導，只是從經濟學角度分析演唱會時有提及他的一句「靜!」作例子。
的確，現場感受是獨一無二的~ 那晚我也想不到他的一句「靜!」竟會換來全場大叫呢。
他搞氣氛的能力也很不錯啊!

日期: 2014年7月10日
來源: 都市日報

徐燦傑【魔鬼教室】: 演唱會經濟學 1

大家都知 Prof J 好鍾意睇演唱會，最近睇咗 Chi Lam ，今日好想講吓演唱會經濟學。根據康樂及文化事務署嘅數據，2012 年紅館最少有18個單位合共開咗 100 場流行歌曲演唱會，觀眾入場人次達到125萬，等於差不多場場爆滿，每年市場規模超過2 億港元，從經濟角度而言，演唱會是一個成功的市場活動。

首位推動呢個市場活動嘅歌手係邊個呢？原來係1983年5月嘅許冠傑演唱會，而張學友世界巡迴演唱會喺2010年12月30日至2011年12月29日期間，現場觀眾總數達到204.8萬人，締造12個月內巡演觀眾最多嘅世界紀錄。以紅館入場人次，等於香港有六分之一的人口曾經到紅館看過演唱會。演唱會吸引之處在於無可替代、一定要到現場才能身歷其境。例如Big Four演唱會之中，張衛健一句叫大家「靜」，觀眾反而會愈叫愈嘈；唱《年少無知》時，全場投入嘅氣氛，唔喺現場真係感受唔到，因為呢種無形嘅嘢，好難有代替品。如果要揀最識得搞現場氣氛的歌手，當然係非華仔莫屬，聽日再講。(待續)