來源: 東方日報
張衞健梁漢文等蘇康影完婚照打野戰
張衞健（Dicky）對於相識逾20載的好友蘇永康被指靠「黐」辦婚禮，他接受長途電話訪問時說：「阿康邊係『菠蘿雞』呀？係『糯米雞』至啱，做嘢慢吞吞，約佢食飯成日要等幾粒鐘，你估得佢係巨星咩？不過佢對兄弟好豪，成日送嘢畀我哋，佢差啲連老婆都想送埋畀我哋，不過我哋拒諸門外，個個耍手擰頭至嘛。」
BIG FOUR四子在美國演出完後，蘇康去了沙漠影婚照。
又指不相信阿康會搵服裝及贊助，Dicky又說：「香港酒席咁矜貴，點搵到，佢兩公婆係時裝達人，啲品牌送衫畀佢哋啦，簡直係要雙手奉上畀佢哋。」
張衞健與蘇永康在美國綵排。
而另一好友梁漢文亦言阿康對朋友相當慷慨，讚他經常送禮物，又指康仔為婚禮落足心機及金錢。問可知康仔完成拉斯維加斯的騷就往沙漠拍結婚照？他說：「梗係知啦，不過我哋好攰，所以冇跟埋去，我喺酒店等佢返嚟再一齊去打『野戰』，即係真槍射擊。」
沒有留言:
發佈留言