【報紙】撐兄弟: 佢係糯米雞至啱

* 編按:
係人都知阿公出名貪靚又一絲不苟，婚禮他應該也會包辦Big Three的服裝吧~
嗯~ 到時張先生一定又型到爆!! (心心眼) 期待期待~~ ❤

日期: 2014年7月28日
來源: 東方日報

張衛健撐兄弟: 佢係糯米雞至啱

張衛健（Dicky）對於相識逾20年的好友蘇永康被指靠「黐」辦婚禮，他接受長途電話訪問時說：「蘇康邊係『菠蘿雞』呀？係『糯米雞』至啱，做嘢慢吞吞，約佢食飯要等幾粒鐘，你估得佢係巨星咩？不過佢對兄弟好豪，成日送嘢畀我哋，佢差啲連老婆都想送埋畀我哋，不過我哋拒諸門外，個個耍手擰頭之嘛。」他又指不信蘇康會搲服裝及酒席贊助：「香港啲酒席咁矜貴，點搲到呀？佢兩公婆係時裝達人，啲品牌送衫畀佢哋着，簡直要雙手奉上啦！」

（左起）梁漢文、張衞健、蘇永康和許志安組成的BIG FOUR兄弟情深，自然事事力撐。

另一好友梁漢文亦坦言蘇康對朋友相當慷慨，讚他經常送禮物，又指蘇康為婚禮落足心機及金錢，問他可知蘇康完成拉斯維加斯的騷便前往沙漠拍婚照？他說：「梗係知，不過我哋好攰，所以冇跟埋去，我喺酒店等佢返嚟再一齊去打『野戰』，即係真槍射擊。」