【報紙】安仔Dicky合唱《明星》眼濕濕

* 編按:
在現場真的有被感動到。

日期: 2015年5月3日
來源: 星島日報

安仔Dicky合唱《明星》眼濕濕

許志安（安仔）前晚邀得好友張衞健（Dicky）、蘇永康和梁漢文（Edmond）擔任演唱會表演嘉賓，雖然Edmond玩「基」、康仔的咪高峰失靈、Dicky還當眾除鞋，不過3位好兄弟也搞到安仔又喊又笑，甚至連許太鄭秀文也被拖下水！

安仔前晚在紅館舉行第2場個唱，有Big Four的3位成員擔任表演嘉賓，太太鄭秀文依然未見在台前現身，惟觀眾不斷向台上高呼「老婆」和Sammi的名字，而當晚跟安仔公然纏綿的竟是Edmond！

Edmond與安仔合唱情歌期間頭貼頭又互掃背脊，更拖手擁抱對望兼扮接吻。Edmond還問安仔有沒有少少感覺？安仔則謂：「沒有，我不過是配合劇情，但你甚麼都做得出，看着你的眼神，真的好驚你會咀埋來！」而康仔跟安仔合唱《那誰》時咪高峰失靈無聲，工作人員換過咪後，安仔就建議重唱，康仔竟要做戲做全套，與安仔先返落台再升上舞台，逗得觀眾大笑。

許志安、張衞健合唱《明星》時感觸落淚。

Dicky大放笑彈，令全場笑到上氣不接下氣！甫出場他即發功，問安仔：「你最愛係我呢個『光脫脫』（光頭），還是『瘦猛猛』（Sammi）？」看到安仔想上前擁抱，Dicky又彈開說：「最憎人着內高踭鞋，搞到我好似好矮，心地唔好呀！」繼而又指安仔好應為自己這位嘉賓作介紹，當安仔介紹時，他又打斷安仔說：「你唔係認真嘛？你認為以我知名度，還有需要介紹？你係咪晚晚返屋企畀人灌迷湯灌到迷迷懵懵，或者係減肥減到懵？而我今晚係叫『老奉』，因為每次許志安開show，我就老奉要來、要講嘢、兼無錢收！其實你刮埋咁多錢做咩？儲奶粉錢？呢個世界有樣嘢叫人奶呀！」弄得安仔完全無招架之力，但當二人合唱《明星》時，看着好兄弟的安仔禁不住落淚，Dicky也為之眼濕濕。

其後康仔和Edmond再度出場，來個Big Four合體，Dicky回復搞笑本色，指着台上的安仔的大型肖像說：「入屋叫人，入廟拜神，咁大尊佛唔係唔拜呀？」Dicky笑窒安仔穿內高踭鞋也不過跟自己差不多，之後被強逼除鞋驗證，結果Dicky的鞋墊被揭「成吋厚」，老羞成怒用鞋墊摑了康仔一把！安仔打圓場，最後以合唱《愛莫能助》完場。