【報紙】張衞健心心甜賀張茜生日

* 編按:
相關影片可以按這裡觀看。
這篇說是茜拖實張生，另一篇說是張生捉實茜，甚麼都好，總之就是勁「冧之」又甜啦~

日期: 2016年2月17日
來源: 太陽報

張衞健心心甜賀張茜生日

張衞健（健仔）、許志安、蘇永康和梁漢文幾位好兄弟，前晚帶同另一半到中環一間中菜館團拜，雷頌德和太太梁家玉及歐陽德勛和太太蔡立兒等亦有出席。健仔表示本月18日是其妻張茜42歲生日，一眾太太幫她舉行生日派對慶祝。

張茜翹實健仔行出食店，分開一陣都唔得！

（左起）歐陽德勛、蔡立兒、許志安、張衞健、蘇永康、張茜、梁漢文
健仔和張茜等個個面帶笑容，睇嚟餐飯食得好滿足！

一行人食至近凌晨12時陸續離開，健仔全程拖實太太晒恩愛，又大方停低讓記者拍照，之後一眾好友再來個大合照。問送了甚麼禮物給太太？健仔說：「我嚟咪最好嘅禮物囉！」至於壽星女張茜被問收到甚麼禮物時只笑而不答，其後與各好友擁抱道別便匆匆上車走人。張茜日前上載多張合照，並留言多謝老公及一眾好友提早為她慶祝生日，其中一張健仔搭實她膊頭，兩人在心形蛋糕前化身糖黐豆，Sweet到漏！