【報紙】飲住紅酒睇煙花迎51歲

日期: 2016年2月10日
來源: 東方日報

張衞健飲住紅酒睇煙花迎51歲

今年喺正大年初一51歲生日的張衞健（Dicky）噚日就獲老婆張茜及吳國敬、梁漢文、 歐陽德勛、黎芷珊等好友出海為佢補祝生日，一行十幾人更於遊艇上歎住紅酒、蛋糕欣賞煙花，而期間歐陽德勛亦不忘拍下多張花絮照及自拍，並分享到微博發文道：「看煙火又慶生 ...... 生日快樂！」大批網民睇相後亦發現Dicky黑咗唔少，仲留言笑指佢為「鹵蛋」！

張衞健前晚舉行船河補祝他大前日的51歲生日，健仔太太張茜和母親都有出席，梁漢文（Edmond）與老婆林文慧、歐陽德勛和太太蔡立兒，以及黎芷珊亦有撐場，健仔除切蛋糕及許願，還在船上欣賞賀年煙花，他昨接受電話訪問時說：「未試過喺香港睇煙花，咪喺船上睇囉，（有咩生日願望？）希望戒煙，想身體健康啲。（有冇飲醉？）冇，我滴酒不沾。」健仔日前任北京衞視春晚開幕嘉賓，初時為收視感壓力，但得知是內地收視最高時，即放下心頭大石。

梁漢文、歐陽德勛同Dicky慶生，又點少得老婆張茜。

睇煙花，Dicky好專心，而歐陽德勛就顧住自拍。

Dicky（左起）、歐陽德勛及梁漢文。

黎芷珊（左二）都有去。

大合照。

生日快樂！

吳國敬（右）

兩公婆結婚多年一樣恩愛。