相關影片可以按這裡觀看。
日期: 2018年12月3日
來源: 東方日報
《大帥哥》爆新金句 張衞健揸蔡思貝籮柚
《大帥哥》今晚終於首播喇！一開頭張衞健已經霸氣出場，仲以光速讀出唔少對白，字字鏗鏘！而女主角之一嘅蔡思貝亦喺首集出場，仲假扮演奏樂隊嚟刺殺張衞健，思貝仲發揮「發電機」本色，而張衞健就獸性大發唔只打對方Pat Pat，仲使出龍抓手玩揸籮，思貝都唔弱，摸張衞健支槍仲搶埋添！
有張衞健點可以冇金句呀！
張衞健以大帥Look出場！
女主角之一嘅蔡思貝亦喺首集出場，假扮演奏樂隊嚟刺殺張衞健！
思貝發揮「發電機」本色！
摸張衞健支槍！
不過最後蔡思貝行兇不成，仲畀張衞健放走，身份相當神秘！而一直大家都以為係大帥哥嘅張衞健原來係披着羊皮的狼，只係「假大帥」，準備被真大帥蒙大同處決，張衞健、洪永城、徐榮及李嘉決定逃走！喺後段，蔡思貝得悉四人唔係壞人伸出援手，不過佢哋返去大帥府「報仇」，四兄弟仲情緒高漲，玩埋廣東俚語歌「命注定，運難卜，三衰六旺好難捉；仙灑脫，凡人俗，犯規和尚食狗肉；陽壽盡，落陰谷，生老病死乃定局」！當然，有張衞健就肯定有金句，繼「型到跌渣」後，今次爆出嘅係：「就算死都要死得夠型，型到噴汁！」
思貝啲冧功真係不得了！
張衞健反攻使出龍抓手玩揸籮！
張衞健（右）原來只係「假大帥」！
四兄弟張衞健（左起）、李嘉、徐榮及洪永城情緒高漲，玩埋廣東俚語歌！
繼「型到跌渣」後，張衞健今次爆出：「就算死都要死得夠型，型到噴汁！」
今集亦翻炒佢N年前拍過《小寶與康熙》中韋小寶嘅口頭禪「涼風有信，秋月無邊。虧我思嬌情緒，好比度日如年，雖則我唔係玉樹臨風，瀟灑倜儻，但我有廣闊嘅胸襟，加強勁嘅臂彎。」網民都話好期待佢呢套劇會有幾多金句成為經典呀！
沒有留言:
發佈留言