來源: 晴報
張衞健放假返片場監工 揭拍《大帥哥》真實一面
廿年冇拍無綫劇的張衞健，終於回來了！今次回歸大作《大帥哥》好評如潮，其實要歸功於張衞健背後的用心。他拍劇經驗豐富，出名工作認真、轉數快，連劇中飾演四兄弟之一的洪永城都大讚他是：「好叻嘅老師，跟住佢指示做已經冇包袱，成個團隊都好尊敬佢。」其實今次拍劇張衞健除了對自己、對其他演員、對道具有要求，甚至化身為片場義工每天為大家提供小食，讓台前幕後都享用到免費零食，不過更難得的是，就算在放假日子，他都會主動返片場監工，向後輩提供意見，難怪李嘉都話與張衞健拍劇好幸福。
犧牲休息時間照顧其他演員的工作
張衞健為觀眾帶來很多歡樂，亦製造很多經典角色、對白，而他不單努力做好自己，更會幫身邊人。例如他去到現場會同每一個演員詳細溝通，成場戲怎樣演繹，有好多鬼主意令大家擦出火花，李嘉亦大讚張衞健是個不可多得的前輩：「有時開工嘅時候會有好多期待，以前同導演溝通，排幾次就做，但大哥（張衞健）同我哋拍《大帥哥》會傾好多次！」
要做劇集主角工作時間已經很長，但張衞健放工不是休息、不是睡覺，而是事先請助手拍下全部play back片回家不斷翻看，看完之後再去調整，這場應該這樣拍，下場可以怎樣拍；而更誇張的是，張衞健放假都回片場監工，連沒有他的場口都會照顧，有時在劇本上加新構思，務求劇情進展得更順利。就連無份拍的吳家樂都話見識過佢嘅厲害：「有次經過化妝間見到《大帥哥》幾個演員圍埋一齊傾場口，見到張衞健講：『有咩諗唔通今晚同我講！我同你諗通佢』。」
即場自創動作穿插其中
張衞健腦袋靈活，原本劇集對白已經又急又快好難記，但當其他演員仍在記對白時，他還可以一邊把自己的台詞講得好清晰，一邊把玩手上的道具，例如大帥的手杖等。張衞健又會在不同對白中間即場自創好多動作，穿插位做得好自然，目的是加強大帥哥囂張、充滿自信的形象，而張衞健於片場的即興創意，就令一眾後輩獲益良多。
每日提供免費零食 台前幕後都受惠
張衞健不單會照顧其他演員的部份，還會充當社工輔導工作人員的情緒。他知道大家拍戲有時要連續拍10多個鐘，隨時休息一會又要再拍，一定會感到疲憊或出現負能量，所以自己出錢在《大帥哥》廠內設立小食部，做埋義工，開廠每一日基本上不停為台前幕後免費供應零食，如果肚餓有餅乾、麵包、朱古力、新鮮生果。李嘉笑言：「初初我覺得奇怪：『咦？點解開親工都有一箱箱香蕉擺喺度，食唔食得㗎？』以為大哥要用嚟連戲，《西遊記》孫悟空啊嘛！點知佢答：『食得，係準備俾你哋食㗎嘛！』原來佢私下都好鍾意食香蕉。」
而由於到佛山拍外景時，天氣又曬又熱，在這惡劣環境下著厚軍褸對大家來說頗辛苦，所以李嘉非常感激張衞健於香港的貼心照顧，令他們成個拍攝過程很愉快。就算完咗佛山咁辛苦嘅外景，徐榮、洪永城、曹永廉等人都因為之前日日食零食，所以個個心廣體胖，誇到連腰圍都多咗幾吋。後來有日他們去銅鑼灣出席宣傳活動，李嘉突然爆鈕，就知張衞健對大家幾照顧啦。
沒有留言:
發佈留言