【雜誌】《大帥哥》好沙膽 突播死人頭好驚嚇

* 編按:
「麥痴根」依個花名真係好正! 相關影片可以按這裡觀看。

日期: 2018年12月11日
來源: 壹週刊 Next Plus

【實俾人投訴】《大帥哥》好沙膽 突播死人頭好驚嚇

張衛健再拍TVB劇已經好有睇頭，帶俾觀眾唔少驚喜。不過昨晚一集直接俾個死人頭大家睇，直情有啲驚嚇！

張衛健啲金句啷啷上口，成年人或者會覺得膠膠地，但小朋友就會覺得新奇又有趣，甚至當咗口頭禪掛在嘴邊。於是有啲較為敏感嘅家長，就會覺得「誰大誰惡誰正確」教壞細路，話要投訴。直至昨晚一集更加會挑起家長投訴條癮，因為麥先根被馬炭亂刀刺死噴晒血，有啲家長可能已經皺晒眉，點知仲有幕死人頭示眾添，學網民話齋：「實俾人投訴！」

雖然睇真啲個頭都幾假，但無預過TVB會播呢種鏡頭，所以突然見到嗰刻都覺得恐怖，連網民都話嚇_死。

題外話，麥先根呢個死人頭，有人話似MC Jin，又有人話似王浩信，大家點睇？