【報紙】張衞健喺香港竟然住…

日期: 2018年12月16日
來源: 東方日報

北京豪宅送畀老婆　張衞健喺香港竟然住…

「大帥哥」張衞健（Dicky）係圈中出名嘅「廿四孝老公」，早前爆出送咗五千呎北京豪宅畀老婆張茜歎世界，咁佢喺香港又住幾多呎嘅豪宅呢？答案竟然係幾百呎！

分別好大！

之前爆出Dicky送咗5,000呎北京豪宅畀老婆。

近年Dicky喺香港搬咗返去同媽咪住。

因為媽咪年紀大想見多啲。

Dicky笑言自己需求唔大，有間房有張床就可以。

北京間豪宅有埋健身室。

Dicky日前接受東網訪問時，話近年搬返去同阿媽住：「以前不嬲都係同阿媽分開住嘅，不過係呢幾年，我先搬返嚟同阿媽住啫，因為阿媽年紀大啦，想陪佢多啲。」問到阿媽個屋係咪好大？他就謙說：「普通嗰啲啫，其實我住嘅地方唔使大嘅，只要有一間房，畀我有啲私人空間就得，有張床畀我瞓，有地方畀我睇劇本就可以㗎啦。」問到在香港有多少物業，Dicky扮懵竟說：「我真係唔記得啦喎。」