來源: am730
傷心到噴汁? 張衛健開腔︰咁多年我都冇拎過……
《大帥哥》叫好叫座，可惜在台慶頒獎禮捧蛋收場，楊秀惠等人替張衛健不值，網民更認為「欠張衛健一個交代」。
至於當事人張衛健，昨日現身電視城為老友蘇永康的節目做嘉賓。問到為何缺席頒獎禮，他說︰「咁…唉! 唔使啦，真係唔使啦，我嚟做咩啫?」絕對看得出張衛健是看透頒獎禮的遊戲規則。之後他語重心長說︰「一直以嚟我一心一意將自己嘅戲去演好嘅演員。印象中，幾乎咁多年嚟我從來未攞過一個有關演戲嘅獎項，我只希望得到觀眾嘅心。我認為人生可以渺小，但唔可以虛度，角色可以戲少，但唔可以Hea做，呢個係我多年以嚟嘅宗旨。」
他又謂知道有不少人支持劇集，認為大帥哥這個角色已對得住自己、對得住觀眾。
沒有留言:
發佈留言