來源: 晴報
【大帥哥】張衞健慘遭阿婆嫌棄 觀眾大讚演活毒L悲歌
《大帥哥》播映至今好評不盡，首周平均收視高達28.5點。有咁嘅成績，很大部份原因是張衞健個人魅力太強，觀眾都是捧他場。來到最新播出的一集，講到自以為是全世界最靚仔的大帥哥，決定率領一眾兄弟拍海報做生招牌，藉此招募新兵，開軍校增強實力，結果不僅拍烏蠅，個個女人仲只對徐榮、洪永城、李嘉有興趣，張衞健就慘到連阿婆都唔吼。張衞健完全演活出毒L的過份自信，難怪不少觀眾都話笑到肚痛：「佢真係做好似我身邊啲毒L，連個種自信又自悲嘅眼神都一模一樣。」
話說當張衞健在軍師曹永康的提點下，明白做軍閥最重要就是兵力，於是決定開設軍校，培訓自己的軍隊，並由蔡思貝負責拍攝招兵海報，他們個個都穿了一套整齊軍服、打扮到型一型才拍照，而身為大帥哥的張衞健當然是坐正中間搶盡風頭。之後他們命人將海報貼滿全鎮，之後就開心出巡視察情況，張衞健見到人人望著招兵海報，仲邊行邊自high，覺得自己靚仔到人見人愛，車見車載：「我大帥哥玉照一擺出嚟，男嘅見到可以激發佢哋上進心，女嘅見到激起佢哋嘅少女心。受歡迎程度有高低之分嘅，要成為萬人景仰嘅偶像，唔係個個都做到。」，一心認為徐榮、洪永城、李嘉只是陪襯。
誰知去到招兵處竟然無人應徵，此時張衞健竟然歸咎畀洪永城等人拖累，要求蔡思貝再幫他影更多單人照，希望增強吸引力。就在此時海報引起偶像效應，一大批女村民蜂擁而上引起，正當張衞健以為係自己魅力沒法擋之際，她們的目標原來是徐榮等人，不單瘋狂向他們抽水，仲連李嘉的光頭亦不放過，完全當張衞健透明，搞到他萬分失落。當張衞健一面愁容時，幸而突然有一位小女孩上前向他索取簽名，他以為小妹妹不懂講大話，定必覺得自己很有型，怎料阿婆一手拉走小妹妹叫她不要揀張衞健，應該搵其他人簽名，一下子令大帥哥由自信天堂跌落自悲地獄。張衞健一連串反應好搞笑，似足小朋友扭計一樣，畫面既可憐又抵死，難怪令不少觀眾都大讚只有張衛健先可以carry到這種過份自大的毒L角色。
53歲仲可以咁貼地將毒L風采發揮得淋漓盡致，嗱，呢啲咪叫演技囉！難怪張衛健家陣有後來居上之勢，被捧為視帝大熱，連佢自己都話好想攞呢個獎，身為粉絲的你投票未先？
沒有留言:
發佈留言