【報紙】恨到做「老婆」 譚凱琪感激健仔抹鼻涕

* 編按:
相關影片可以按這裡觀看。

日期: 2018年12月11日
來源: 東方日報

恨到做「老婆」 譚凱琪感激健仔抹鼻涕

譚凱琪（Zoie）在劇中飾演張衞健其中一位太太，戲份甚多。跟大部分港人一樣，她睇健仔的劇集大，對《西遊記》及《小寶與康熙》特別有親切感：「見佢做韋小寶有七個老婆，憧憬過如果做到其中一個就好喇！估唔到終於實現！」

訪問中，Zoie以「大哥」稱呼健仔，對他相當尊敬，她表示對方轉數快記性好，即使加戲也會跟全部演員練習，絕不會只顧自己：「多謝佢冇嫌我慢，拍完套劇我反應都快咗啲！有場好長嘅戲，佢要見唔同嘅人，佢覺得一Shot直落效果更好，但中間一個人錯都要從頭拍過，難度好高。大家反覆排咗好多次，最終順利完成，全場拍晒手掌。」

講到最難忘的對手戲，Zoie表示有場喊戲，自己投入得眼淚鼻水盡出，健仔竟一手幫她抹鼻涕：「我當時愕一愕然，佢加呢個動作喺角色係合理，佢好偉大唔想我核突！我個角色好多情緒起伏，同大哥嘅感情戲、同楊秀惠嘅爭寵鬧交戲，挑戰都大。」