【報紙】冇簽約認命半個視帝心足

* 編按:
相關影片可以按這裡觀看。

日期: 2018年12月9日
來源: 東方日報

張衞健冇簽約認命半個視帝心足

張衞健（Dicky）、楊秀惠、譚凱琪、蔡思貝及洪永城等，昨日出席「《大帥哥》之徵兵大會」宣傳劇集，講到之前與老婆張茜去南非旅行，Dicky大讚旅程好正：「同太太計劃咗好耐，因為佢好鍾意動物。（有冇『造人』？）喺呢個原始大地，係咪要做番啲人類最原始嘅娛樂活動，或者傳宗接代嘅責任呢？不過都係唔講呢啲啦！」

食老本係集體回憶

講到旅程中突獲提名《萬千星輝頒獎禮》的「最佳男主角」，他說：「嗱！我咁大個仔都未攞過任何演戲嘅獎，呢樣嘢都慣咗o架啦，只要喺觀眾心目中，我係半個視帝就已經好開心。（想唔想攞？）我記得我有首歌，應到不得了，第一句嘅歌詞就係『人人拿大獎得我沒有』。」問可會出席頒獎禮？他表示不知檔期如何。

談到觀眾對他演出評價好壞參半，又指他食老本，翻炒以前的經典對白，他說：「呢個係我同觀眾隔空嘅集體回憶，都係用咗兩、三段啫，好多朋友聽番都話開心感動嘅，最想大家睇到我哋嘅付出同心血。」問到他對獎項可有勝算？他說：「我冇簽約TVB喎，我認命o架啦，隨緣啦！」

張衞健攬實小帥哥，幾時同老婆生番個呢？

楊秀惠：大帥哥姣過女人


露長腿的楊秀惠講到劇中角色「艾妞」發晒姣，她笑言：「一開始係難以接受，睇番姣大帥哥（張衞健）場戲都頭痛，但冇辦法，身為演員就要做好，出嚟效果搞笑就得。」問之後可會有跳艷舞場口？她稱有幾場戲要跳舞：「有啲戲係大帥哥教埋我要一路唱歌一路跳舞同摸人，佢都有教我可以點行，隻腳可以點，行一次畀我睇，估唔到佢可以咁女人。」又讚Dicky會教他們演戲：「邊啲位好笑同埋點樣掌握對白節奏。」

============================================================