【報紙】張衞健孖老婆非洲歎世界

* 編按:
相關影片可以按這裡觀看。

日期: 2018年12月2日
來源: 東方日報

新劇見街唔宣傳？張衞健孖老婆非洲歎世界

說好的無綫劇《大帥哥》終於喺聽日（12月3號）有得睇啦，不過男主角張衞健（Dicky）就選擇「唔理江山陪美人」，佢冇留喺香港為劇集做宣傳，一早同佢位靚老婆張茜飛咗去非洲旅行輕鬆吓。


雖然同香港嘅粉絲隔咗千萬丈遠，呢位「大帥哥」好識做喺社交網不停甫相，以解粉絲相思之苦。佢上載咗好多旅遊相，明顯曬黑咗嘅佢同一位黑人朋友合照，佢話：「他的皮膚是黑色的，我的皮膚是黃色的，他生於無人問津的深山中，我活在鋼筋水泥的叢林裏，我們的共同點只有一個大光頭！搭建我們之間友誼的是一道又一道不斷免費輸送給對方的燦爛笑容，笑可以融化一切，把你的笑容廣傳出吧，嘻嘻…。」大帥哥真係帥到非洲，連黑人朋友都要攬住咀佢。

估唔估到Dicky同相中黑人嘅共通點係乜呢？

咪就係兩個都有個大光頭囉。

雖然言語有啲隔閡。

不過都玩得好開心。

仲攬實Dicky錫錫。

而張茜就比較怕醜，在網上只甫風景相同埋靚靚嘅自拍照，她留言：「我們這次旅行第一站住在津巴布韋瀑布城的Safari Club，係一所非洲風情的酒店。這兒的人很nice，有些黑人長的很好看！英語環境，悠閒、禮貌、舒服！非常適合來度假。」

張茜有啲怕醜冇乜同人合照。

淨係晒出自己嘅靚樣。

咁猛太陽皮膚都冇變差係勁！

Dicky話呢度啱晒度假。

個景又靚。

得閒歎杯咖啡。