來源: 晴報
《大帥哥》炮製三大驚喜 網民熱捧：張衞健無人能及
闊別TVB 21年，張衞健主演的《大帥哥》首播即好評如潮，獨特口頭禪與急口令講對白方式，就連00後都覺得好睇，結果第一集已推爆連登兩個posts，來到
第二集張衞健繼續擔起整套劇，劇集節奏明快，搞笑位又毫不沉悶，而且在他的帶動下，就連蔡國慶飾演的大帥都變得十分搞鬼，多線開花，由張衞健偷入大帥府開始連續炮製三個驚喜，讓觀眾邊睇邊估，搞到唔少人都話：「真係估你唔到！」
1. 開苞變開包
第二集開首講述張衞健不忿大帥蔡國慶侮辱自己，把他當成替死鬼，決定與洪永城、徐榮、李嘉潛入大帥府偷寶物。與此同時，革命黨員蔡思貝亦扮成攝影師想借機炸死蔡國慶，但此時蔡國慶突然被邀請去開包，令她錯失刺殺機會。原來蔡國慶誤以為去「開苞（破女生處）」，非常高興，誰料去到才知是切開壽包咁解，夠晒驚喜。
2. 報仇變救人
在切開壽包之際，蔡思貝欲再度刺殺大帥，但蔡國慶手下楊證樺搶先一步造反，原本打算報仇的張衞健突然靈機一觸，將報仇變救人，與楊證樺搏鬥，勇救蔡國慶，令大家都覺得好愕然。但更估你唔到嘅係，蔡國慶沒有感激張衞健，更把他捉起來審問。張衞健見死到臨頭，即將報仇一事改為勇救大帥，自稱：「大帥有危險，我連金都唔要啊！」，希望死都拗返生。
3. 槍斃變升官
可惜蔡國慶並沒有相信張衞健的解釋，不斷怒斥他逃獄回來偷竊的行為好大膽，張衞健蘭花巧舌下仍難平其怒氣，眾人被綁赴刑場跪在地上，更講好死後相約在在奈何橋橋頭，一齊飲孟婆湯，又定好暗號「誰大誰惡誰正確」以作相認。但傳出連串槍聲後，他們竟絲毫無損，蔡國慶更宣布讓張衞健升職做大帥，接管昇威鎮，又將楊秀惠、蔡思貝、譚凱琪送給他作姨太太，還送上愛犬少帥。
其實張衞健一向擅長扭轉劇情，讓觀眾產生錯覺，等你以為係咁，其實又唔係，那種反差才會令人覺得得意、有趣。除了三大驚喜，張衞健連升七級，由無名小兵獲封做大帥，頓時擁有權力、地位、金錢與女人，自然引起其他軍閥的妒忌與不滿。此時失勢的張達倫、古明華與Eddie分別邀請張衞健一聚，趁機給他下馬威。不過卻被洪永城、徐榮與李嘉身輕鬆搞掂，激到佢哋紮紮跳，踩場威嚇張衞健：「做軍閥唔係講玩！你亦都玩唔起，你夠膽同我哋三個作對？你命都冇。如果我係你就乖乖哋歎下世界！」然而張衞健未有受威脅，二話不說開槍殺死他們手下，澄大眼霸氣反駁：「邊個夠膽郁我，邊個夠膽唔俾面我，我今日對燈講，我一定還！」，氣勢之大成功鎮住作對方。難怪網民紛紛大讚張衞健做戲風格無人能及：「正經同搞笑情節都有，唔會悶但又唔會比啲搞笑野搞爛個故事」、「喺香港真係冇人學到佢，亦都唔敢試」、「張衛健一個人已經將成套野升咗唔只一個level，亦睇到同TVB其他演員唔同次元嘅氣場同演技。」
沒有留言:
發佈留言