【報紙】遭細佬追千萬佣金

* 編按:
祝細佬Henry早日康復，要知道媽媽哥哥弟弟也很愛錫你的。

日期: 2013年4月13日
來源: 蘋果日報

張衞健遭細佬追千萬佣金

張衞健（Dicky）胞弟張衞彝（Henry）於06年患上抑鬱症，自此兄弟反目，最近Henry控訴Dicky無情無義，追討他作為經理人的20%佣金。Henry昨日於上水朋友寓所開記者會，發五頁手寫聲明及搬出多個Dicky的獎項及相片。不過，他的聲明有點亂，大意是一、希望外界別再稱他做「張衞健細佬」，要尊重他的經理人專業。二、他多年來為Dicky開拓市場，多次捨棄更好待遇的工作。三、他指Dicky六年來多次拒絕歸還佣金，希望一周內歸還。

張衞健本來一家和諧，想不到爆出風波。

Henry又稱願將原本的20%佣金降至15%，問到金額多少？他說：「佢話幫我託管時大約二千萬，𠵱家更加估唔到！」有指Dicky除讓他居住獨立屋外，還每月給他三萬元，問是否夠用？他說：「養一家八口都可以，但我每月醫藥費兩萬，仲有其他開支。」他指與母親自去年12月便沒有聯絡：「媽咪瞞住佢見我，阿哥話我會斬人，所以阿媽好驚，𠵱家連電話都唔通！」他表示母親曾為他支付醫藥費，但後來終止，還欠下三萬多元未繳：「冇睇九至十二個月，近排睇番，醫生話唔收我錢，欠住佢先。」

Henry於患病期間，Dicky曾親手寫下七項命令式規條，包括金錢家人管、覆診及定期驗尿等。問到有沒有兌現？Henry說﹕「當然實行，我想問佢託管到幾時！」他又主動行近Dicky的畫布，並激動地說：「我好錫佢，我所有嘢都keep起晒，求佢唔好再搞嘢，佢知我好多嘢冇講，兩兄弟be fair，我唔會斬人！」他表示不希望面對法律訴訟。及後Dicky接受電話訪問時無奈地說：「唔方便講！唔通一世唔見人？有機會會回應。」他表示要趕上機便匆匆掛線。

張衞健昨日與母親發聲明，否認相關指控。

健仔母子反擊

另外，張衞健與母親余嘉碧昨日透過律師行發出聯合聲明，張母力撐Dicky孝順，一直為家庭付出，希望大家從Dicky寫給Henry的「手寫紅字」中，體會到一家成員多年飽受見鐵不成鋼之「恨」，見人不見靈之「痛」，希望有日能見到「浪子回頭走正途」。

採訪：王崇穎
攝影：陳俊強