來源: 蘋果日報
張衛健醉到不省人事要抬上車 老婆張茜錫鍚額頭
噚晚蘇永康結婚，群星拱照，仲要個個都好盡興，例牌飲到「啤啤夫」嘅唔單上葉童夫婦同曾志偉，之後蘇康更搞咗個After Party，「Big Four」其中一員張衛健(Dicky)仲飲到要班老友抬佢上車，塊面紅過紅雞蛋。
凌晨1點半左右，一班嘉賓陸陸續續離場，吳國敬同一名女伴離開時，阿敬明顯好醉，仲搞笑上錯記者架車，仲叫向記者朋友話:「得架啦，你轉個彎放低我。」之後新郎哥蘇永康同老婆離開，蘇康仲問候記者食咗嘢未。
蔡一傑「開路」
完全不省人事
2點左右雷頌德，Sammi同安仔都離開，再之後葉佩雯，梁漢文同老婆亦都走人。當中張衛健醉到要一班朋友抬上車，蔡一傑負責擋鏡頭，Dicky被抬上車之後，老婆張茜就sweet咁錫咗老公個頭一啖，仲幫手遮住老公對眼，真係睇見都甜到漏。
老婆張茜仲錫老公個額頭，好sweet
為免老公醉樣失儀，遮遮先，不過都太遲了....
沒有留言:
發佈留言