來源: 頭條日報
齊聲鼓勵追逐夢想 張衛健梁詠琪歎公私難兼顧
張衛健和梁詠琪（Gigi）在圈中多年，最近才首度合作為動畫電影《星夢動物園》配音，兩人笑言今次終於恨到。戲中他們齊聲追逐夢想，原來兩人在現實生活中，都有未完成的夢，健仔有想過做騎師，Gigi則想當設計師，不過各已成家的他們，認為現在最難圓的夢想，反而是要兼顧家庭和事業。
健仔和Gigi雖未有機會同場演出，但宣傳期間經常見已變老友。
健仔和Gigi大歎今次只是聲演，未能真正合作。
向來鬼馬的健仔笑指恨同靚女Gigi合作好耐，「今次終於成事，可惜分開配音，好彩宣傳都見到面。」而Gigi亦禮上往來，「我細個好鍾意聽《足球小將》㗎！最初唔知邊個唱，後尾入咗行大家都係無機會合作。」
熱愛唱歌的師奶豬太太「樂詩」（右），瞞住家人去參加歌唱比賽。
健仔聲演的劇院老闆樹熊「阿畢」，為了挽救深愛劇院決定舉辦歌唱比賽。
多狂蜂浪蝶
戲中健仔聲演劇院老闆樹熊「阿畢」，而Gigi則是熱愛唱歌的師奶豬太太「樂詩」，兩個為追逐夢想而努力，健仔認為故事相當有教育意義，「啱晒依家充滿怨氣嘅大人同細路睇，希望大家都可以勇敢去追夢。」不說不知，健仔和Gigi也有未圓的夢，健仔說：「當年冇碟出又冇戲拍，真係諗過轉行做騎師㗎！可惜自己太大隻，好快放棄囉！」Gigi也不例外，「我未入行想做設計師，但係唱歌演戲我都好鍾意，?家做藝人都有好多機會融合自己設計嘅嘢，都算實現咗一半。」
近期忙於舉行巡迴演唱會的Gigi，不忘跟老公Sergio和囡囡Sofia聚天倫。
健仔就算多忙都會抽時間跟太太張茜去旅行。
談到現在夢想，健仔認為最難是平衡家庭和事業，「自己仲係學習緊，好在太太長期喺北京打理美容生意，小別勝新婚都唔錯，當然都要互相信任，以我嘅靚仔外形係有好多狂蜂浪蝶，而我又咁聰明，想出軌真係可以瞞晒全世界㗎！」Gigi亦好認同，「好在同老公溝通得好，大家包容兼互相遷就。」
沒有留言:
發佈留言