相關影片可以按這裡觀看。
日期: 2018年12月3日
來源: 東方日報
《大帥哥》主題曲曝光 張衞健床上三人調情
等到頸都長，由張衞健主演嘅無綫重頭劇《大帥哥》今晚終於登場！張衞健話晒都離開咗無綫21年，今次重返娘家，好多劇迷都超級期待！為咗畀粉絲一解思念之苦，喺劇中飾演張衞健助手嘅徐榮，就喺Facebook公開《大帥哥》主題曲《大無畏》同片段，仲約定大家今晚9點半見。
張衞健主演嘅《大帥哥》今晚播喇！
呢首主題曲由張衞健主唱，曲風如佢過往劇集歌曲一樣走輕快風，好易上口。條片一開首，身為大帥嘅張衞健坐住軍車出場，架勢十足！之後就輪到劇中重要角色陸逐登場，好似洪永城、徐榮、李嘉等，齊齊同張衞健鬥吔大餐。另外，張衞健又同劇中嬌妻楊秀惠、蔡思貝、譚凱琪瘋狂打情罵俏，飛吻之餘，又喺床上玩三人調情，簡直恨死全世界男人！
唔少網民都大讚演員配搭新鮮，仲話相當期待劇集播出，今晚會擔定櫈仔等首播喎！
佢嘅手下有洪永城！
徐榮！
仲有李嘉。
張衞健食嘢都Chok過人！
張衞健三位嬌妻分別係蔡思貝（右起）、楊秀惠、譚凱琪。
蔡思貝做乜拎槍呀？
享盡齊人之福！
有唔少床戲喎！
張衞健同蔡思貝呢個配搭幾新鮮！
床邊調情！
好Sweet！
徐榮都有揸槍！
眼神交足戲！
張衞健返嚟喇！
沒有留言:
發佈留言