又cute又有型吖~~~
日期: 2014年10月21日
來源: 蘋果日報
【男人問題男人解決】張衛健梁漢文 拿前列腺開玩笑
許志安有首金曲叫《男人最痛》，相信都冇乜人會唔識，不過講到男人病呢家嘢，真係唔係個個都識，今日Big Four同雷頌德著晒波衫去到觀塘，以《香港男仕健康學會》大使身份出席記招，仲同一班醫生落場切磋球技，雖然梁漢文一嚟就帽子戲法連入三球，但都以9比6輸畀醫生隊。
Big four出席男士健康活動。
不過成班就拎前列腺嚟講笑。
記招上面講到大腸癌問題，五位就以攪笑手法去做呼籲，講到痔瘡同大腸癌有冇關係時，佢哋就話最適合由許志安答，點知安仔答到錯晒，而四年前開始做大腸檢查嘅雷頌德，就指大腸檢查非常舒服唔辛苦，蘇永康笑住話:「你好享受喎，唔怪得之年年都去驗，我就隔年先去。」而張衛健同梁漢文至今仍然未去驗過大腸，許志安就話:「再唔去唔駛去。」
安仔都有做過大腸檢查，問到佢係咪婚前檢查，佢就話:「呢啲都算。」蘇永康表示佢哋幾位都係有家室之人，所以更需要身體健康，張衛健都覺得男人往往只顧搵錢養家而忽略健康，梁漢文指佢哋都試過家人患病，特別明白身為病人家屬感受。
當問到佢哋有冇咩男人病時？即觸動佢哋攪笑細胞，Dicky張衛健反問男人病係咩:「連前列腺係邊都唔知」蘇永康即指住Dicky條頸話:「喺你條頸度。」Edmond又突然指住手掌話:「前列腺喺掌紋度。」Dicky笑即指Edmond前列腺開叉，Edmond就哈哈大笑話:「咁要搵蘇民峰睇下掌紋睇下前列腺。」
沒有留言:
發佈留言