【報紙】健仔嘲梁漢文前列腺開叉

日期: 2014年10月22日
來源: 晴報

健仔嘲梁漢文前列腺開叉

Big Four四子張衞健、梁漢文（Edmond）、蘇永康及許志安，近日擔任《香港男仕健康學會》大使，他們說話向來口沒遮攔，昨日甚至以男性的前列腺大開玩笑，健仔竟反問：「前列腺喺邊？」Edmond抵死笑謂：「喺掌紋度呀。」認真教壞細路。

近年很多疾病都有年輕化的趨勢，Big Four和雷頌德昨日以大使身份，參與「香港男仕健康學會足球賽」，趁機會向市民宣揚關注健康的重要性，但賽果卻以6比9敗於醫生隊。

健仔（左）提醒各位男士不要只為生計而忽略健康。

問Big Four四子可曾患過男人病？張衞健反問甚麼是男人病，又略帶認真表示：「我連前列腺喺邊都唔知。」此時，蘇永康立刻指住他條頸笑說：「喺你條頸度。」梁漢文更突然伸出手掌笑稱：「前列腺喺掌紋度呀。」結果被健仔取笑他的前列腺開叉，Edmond自嘲說：「咁就要搵蘇民峰睇下我條前列腺啦。」幾位大男孩愈講愈遠。

講解男人病痛時，安仔和梁漢文竟笑到收唔到聲。

此外，講到大腸癌問題，他們問醫生生痔瘡和大腸癌如何分辨，又要安仔先答，豈料安仔答到錯漏百出。雷頌德表示四年前開始接受大腸檢查，聲稱檢查過程非常舒服也不辛苦，蘇永康即抵死表示：「你好enjoy喎，難怪年年都去驗啦，我就隔年先驗。」健仔及Edmond則承認未做過大腸檢查，安仔立刻揶揄他們：「再唔去就以後唔使去喇。」

採訪：Pauline　
攝影：Lego　
編輯：陳禮恒　
設計：鄧俊明