【報紙】RB夾攻許志安套BIG FOUR軍情

日期: 2014年10月22日
來源: 東方日報

RB夾攻許志安套BIG FOUR軍情

樂隊RubberBand（RB）將於11月8及9日假灣仔伊利沙伯體育館舉行兩場演唱會，近日正忙於演唱會事宜，同時又為nowTV觀星台拍攝《RUBBERBAND RUBBER FRIENDS》特輯，在節目中他們請來不少圈中好友撐場，當中包括許志安和蘇永康， RB更被爆當年新人騷價慘過領綜援。

RB的主音6號早前為安仔的新歌MV執導，安仔趁機投訴：「點解唔安排女主角畀我？」不過安仔稱讚RB的歌曲充滿正能量。6號覺得RB與組合BIG FOUR很有緣，安仔則說：「BIG FOUR可以能夠聚埋一齊係無價嘅，當年我哋同埋一間唱片公司，經常約埋出去玩，所以特別熟。」

BIG FOUR經常互寸，但四子感情十分好。

安仔揭隊友各有長處

由於RB與BIG FOUR同是4人組合，RB成員泥鯭請教安仔如果大家意見不一，互相面黑時如何處理？安仔笑說：「我一早放棄咗佢哋，其實BIG FOUR係一種感情，我係最小意見嘅一個，有啲好多意見，連底褲都幫你整埋咁滯，所以一做完騷就唔見佢哋，各有各放假去玩。」梁漢文很少說話，但一說即中，蘇永康是時裝達人，而張衞健除了唱歌之外，也有不少建設性的意見。