【報紙】離巢20年 歸隊拍台慶劇

日期: 2017年2月17日
來源: 晴報

離巢20年不計前嫌  張衛健歸隊拍台慶劇

張衛健（Dicky）離開無綫20年，適逢娘家踏入50歲，在珍姐（曾勵珍）出馬游說下，他不計酬勞一口答應回巢拍台慶劇《大帥哥》。至於女主角是備受無綫力捧的蔡思貝，今次在Dicky帶領下，她的演技能否脫胎換骨，觀眾且拭目以待。

張衛健昨日出席50周年台慶劇《大帥哥》的簽約儀式，更獲兩大高層樂易玲及曾勵珍傍實出場，盡顯地位，Dicky更賣口乖讚兩人風韻猶存，逗得她倆笑得合不攏嘴。Dicky在台上謂︰「今年係50周年，係非常非常重要嘅一年，一個人有幾多個50歲？何況一間公司……我喺呢間公司學識演戲、唱歌、做人，我喺呢度茁壯成長，振翅高飛，喺出面無丟到架，要感激母校。」

Dicky又講解三個回巢原因，第一是慶祝TVB 50周年，回饋母校；第二是報答香港觀眾多年來支持；第三是感謝生命中重要的女人，除了媽咪和老婆，珍姐算是睇着他大。珍姐亦笑言今次是重大日子，所以是「的」他回來，Dicky坦言不容易就範，原來在傾談酬金時，珍姐直言公司只能給他這個數，當時Dicky「吓！」了一聲，珍姐再表示這個價已經好高，Dicky也就「哦，咁好啦！」來回幾句話之後，終於促成美事。由於台慶劇需拍攝半年，Dicky叫大家不要問他會損失幾多金錢，又重提當年拍完《西遊記》後不續約正是價錢談不攏，故今次回巢希望已故的「六叔」邵逸夫爵士在天之靈高興，亦希望畫上完美句號。

由無綫兩大高層樂易玲（左一）及曾勵珍（右二）傍住出場，Dicky真有face！右一為監製徐正康。

珍姐聽到Dicky講到因為一個「情」字，故不計較而回巢，忍不住喊出來。

一句「唔計較」搞喊珍姐

Dicky和珍姐相識超過30年，他在台上講了一句「唔計較」就拍板回巢，令珍姐感動得流下眼淚，更讚Dicky很窩心。

近年轉戰內地發展的Dicky不諱言，今次拍劇可以一圓拍廣東話劇集的心願。當大家提到女主角是演技仍很幼嫩的蔡思貝時，他醒目地笑謂下次再談。至於開工時間，Dicky認真表示，有感年紀漸長，希望每日有十小時休息，監製徐正康為了兩者取得平衡，原本30集劇拍三個月煞科，如今要半年才拍完，Dicky笑言︰「我咪又再『吓！』一聲囉！」