【報紙】視迷: 蔡思貝未夠分量夥拍張衛健

* 編按:
阿監製，麻煩你搞清楚，張衛健唔係淨係識搞笑，唔該唔好只係睇表面。
不如你返去做吓功課先講啦? 唔睇戲都睇返場許志安《Come On》演唱會首《明星》先呀!

日期: 2017年2月20日
來源: 晴報

張衛健夥蔡思貝拍《大帥哥》 視迷︰女主角未夠分量

闊別無綫劇迷廿載的張衛健（Dicky），上周宣布回巢拍攝台慶劇《大帥哥》，並獲兩大高層曾勵珍（珍姐）及樂易玲現身記者會撑場。然而該劇卡士薄弱，除Dicky外，只靠新血蔡思貝、洪永城擔大旗。不少口痕友寸爆蔡思貝無美貌、無演技陀衰家︰有粉絲則指Dicky返娘家已有力吸客！

現年52歲的張衛健，於1996年演活《西遊記》的孫悟空成功爆紅，他自創的口頭禪當年引領潮流，包括「型到跌渣」、「Yo！使乜驚吖」等風靡萬千小學雞，亦令他有力離巢往外闖尋找賺錢機會，其後他主要在內地及台灣市場發展。無綫於2001年播出張衛健主演的外購劇《小寶與康熙》亦叫好叫座，他與譚耀文的配搭成功擦出火花，亦助他再次攀上事業高峰。Dicky主唱的《小》劇主題曲《你愛我像誰》更成為膾炙人口的經典情歌。

去年，曾傳出Dicky回歸無綫拍劇，但一直只聞樓梯響，終於無綫上周舉行大型記者會公布Dicky霸氣回歸。

上周六是張茜的43歲生日，健仔專程為太太舉行驚喜生日派對，氹得她笑逐顏開。

飾民初亂世大軍閥

記者會當日，宣布Dicky將為TVB拍攝50周年台慶劇《大帥哥》，同劇演員包括蔡思貝、洪永城等無綫力捧新星。據知，故事以民初軍閥割據年代作背景，描述亂世中不同年齡、身份的人和事，Dicky於劇中飾演大軍閥。劇集已定於三月中開拍，下月初，Dicky將與主要演員會面，讓各人了解其演繹風格。

相隔廿年回巢無綫的健仔，上星期出席《大帥哥》記者會時與兩大高層樂易玲（左一）、曾勵珍及監製徐正康開心合照。

不過，很多無綫粉絲卻認為難得張衛健回歸，配搭的卡士卻令人搖頭嘆息，不少劇迷嫌蔡思貝演台慶劇女主角未夠班，寸爆其超爛演技及觀眾緣勢必拖垮劇集；有人則認為Dicky重返無綫首齣作品已具叫座力，即使其餘卡士遜色亦可接受。事實上，記者會當日，傳媒問到Dicky可有留意現時的無綫演員時，他坦言「好少睇、無乜留意」。不過，他亦補充︰「我相信監製找他們來演都是適合角色。」Dicky的回應大方得體，相信廣大視迷對《大帥哥》亦會有密切期待。