【雜誌】離巢廿年強勢回歸 經典作品逐套睇

* 編按:
經典又豈止這些，小編你太年輕了。

日期: 2017年2月19日
來源: 東方新地

張衛健離巢廿年強勢回歸　經典作品逐套睇

當年張衛健 憑《西遊記》孫悟空成為家傳戶曉的角色，成爲收視神話！離開無綫二十年的張衛健，日前宣布將會回巢半年，不計酬勞拍無綫新劇《大帥哥》，令網民十分欣賞！張衛健曾經被香港製作人睇死: 「無毛你是不值錢的。」但事實係呢位製作人走漏眼啦，張衛健唔單止《西遊記》演得出眾，其他類型劇集一樣好收得，以下五套劇，套套經典！

西遊記（1996）

1996年11月，張衛健演出劇集《西遊記》於無綫播出，他飾演主角「孫悟空」入型入格，有着生鬼的演繹，加上金句如「我係花果山水濂洞美猴王齊天大聖孫悟空。」﹑「Yo！打妖精！使乜驚啊！」等都琅琅上口，絕對是大眾回憶。呢套劇絕對係張衛健事業上的高峰，被無綫重播五次之多！

《西遊記》大紅大紫，令無綫想開拍《西遊記》續集，但張衛健因片酬問題，與無綫出現分歧，更被香港製作人睇死：「不要以為你演了猴子就了不起，無毛你是不值錢的」。張衛健當時決定離巢，轉投台灣製作人門下，與孫悟空一角無緣。後來在《西遊記》續集中，孫悟空一角改為陳浩民演出，但受到大眾的爭議，可見張衛健飾演的孫悟空絕對係經典，無人可取代。

少年英雄方世玉（1999）

1999年，張衛健在內地劇《少年英雄方世玉》表現出色，成功翻身，好評甚多。劇中，飾演方世玉的張衛健和飾演辣媽苗翠花的恬妞，默契十足，搞笑母子的組合得到不少觀衆的青睞，令觀衆笑聲連連。當年張衛健唇紅齒白，「小鮮肉」形象深入民心。

此劇更在亞視播出後，收視率甚至勝過大熱的《還珠格格》，破了16%左右的收視結果。

小寶與康熙（2001）

內地劇《小寶與康熙》於2001年開播。《小寶與康熙》由《鹿鼎記》改編，張衛健以一貫多口頭禪的作風來飾演韋小寶，令觀眾十分受落。

他在劇中吟詩作舉，例牌講出 「涼風有信 ，秋月無邊， 虧我思嬌嘅情緒好比度日如年。 雖則我唔係玉樹臨風 ， 瀟灑倜儻 ， 但我有廣闊嘅胸襟 加強勁嘅臂彎」撩女仔。張衛健精湛的演技演活韋小寶，怪不得劇入面咁多美女陪伴，劇外又咁有觀眾緣啦！

功夫足球（2004）

《功夫足球》在2004年開播。《功夫足球》一劇，是由寰宇的M8投資三千萬開拍 ，張衛健飾演熱愛足球及功夫的唐小順，與吳君如飾演的武功高強姐姐相依為命。及後唐小順攜好友憑毅力獲勝，搞笑無厘頭之餘，不失勵志故事的風采。

《功夫足球》由容祖兒、黃秋生、TWINS等主演，粒粒巨星，令《功夫足球》得到不少關注。

少年張三豐（2001）

2001年的《少年張三豐》亦大受歡迎，其出色表現更被同劇演員李冰冰稱讚，評價為「文武雙全的好演員」！睇嚟大家都認同佢係一個實力派演員！《少年張三豐》令飾演張三豐的張衛健躍升為內地一線小生，每集片酬高達10萬元人民幣！

在《少年張三豐》一劇播出後， 張衛健的薪酬極高，成爲電視劇一哥，在内地知名度亦響噹噹，幾年前片酬原來已經高達每集60萬！