【報紙】反轉360度彈鋼琴買重保險

* 編按:
相關影片可以按這裡觀看。

日期: 2017年2月1日
來源: 東方日報

反轉360度彈鋼琴　張衞健買1,400萬保險

張衞健（Dicky）早前應北京衞視邀請參演農曆新年春節聯歡會特備節目，同場星級嘉賓有范冰冰、李晨、鄧紫棋等。Dicky為了有突破演出，早在兩個月之前，便找來好朋友兼香港魔術師李行齊（小齊）為他設計一套揉合歌曲與魔術的表演，務求觀眾睇到拍爛手掌。Dicky表示：「其實幾年前我同許志安、蘇永康、梁漢文以舉行BIG FOUR演唱會時，就識咗小齊，佢幫我設計一個快速換衫嘅魔術，觀眾反應好好，所以喺北京衞視搵我做春晚，我第一時間就諗起小齊。」

咁樣轉法，梗係要買重保險啦！

張衞健連續幾年做北京衞視春晚。

為幫Dicky打造出不一樣的演出，小齊坦言相當傷腦筋，他說：「其實我畀咗好幾個魔術Dicky選擇，最終佢同電視台都揀咗呢個反轉360度鋼琴魔術，原本我只係安排Dicky轉一個圈，但佢要求提高難度，最終係轉咗三個圈。」

張衞健表演彈鋼琴。

飛起嚟彈。

轉呀！

轉呀！

係咁轉！

對小齊200分信任

Dicky工作排得滿檔，加上要將魔術保密，每次只能在凌晨時間綵排，加上北京晚上氣溫只有零下10度，無論是半夜三點抑或五點綵排，Dicky也毫無怨言，但由於演出帶有一定危險性，所以電視台也專誠為Dicky今次的演出，買重了1,000萬人民幣（逾1,400萬港幣）保險。

張衞健好多謝小齊（右2）幫手。

Dicky表示：「我幫北京衞視做咗好幾年春晚，今年想突破啲，係我主動要求提高難度，電視台都好錫我，幫我買重保險，但我對小齊絕對有200分信任，今次演出亦成為咗整個節目重點，無論我同小齊、電視台、觀眾都好滿意。」