【雜誌】張衛健想講廣東話

* 編按:
相關影片可以按這裡觀看。

日期: 2017年2月17日
來源: 東周網

回巢拍劇不問酬勞 張衛健想講廣東話

張衛健（Dicky）相隔21年，回巢無綫拍攝台慶劇《大帥哥》，他出席記者會時未有透露回巢酬勞，只希望用母語廣東話再拍劇。

Dicky由無綫兩位助理總經理曾勵珍（珍姐）及樂易玲陪同下，於尖沙咀出席無綫50周年台慶劇《大帥哥》記者會，並即場進行簽約儀式。Dicky在台上笑言與曾姐傾片酬時峰迴路轉：「珍姐梗係開個價先，之後我話『吓？』然後珍姐話『係呀！』，我再話『吓？』，佢再話『係呀！好高啦！』，然後我話『吓！哦！好啦！』就咁傾完。响『吓』同『係』嘅過程中順利完成。」

Dicky在台上笑言與曾姐傾片酬時峰迴路轉，笑爆全場。

Dicky由無綫兩位助理總經理曾勵珍及樂易玲陪同下，進行簽約儀式，認真巴閉。

張衛健相隔21年再拍無綫劇集。

事後Dicky接受訪問時，被問到無綫是否以出動銀彈找他回巢拍劇，他說：「近年我做嘢唔講原因，反而憑直覺更加重要，直覺鐘唔鐘意做，做得開唔開心。我離開TVB咁多年，我演啲戲大部份都係國語，我好想拍一部戲係用我母語廣東話，唔需要响片場翻譯國語畀導演同演員聽，會更加如魚得水。」提到多年未有於無綫拍劇，他謂不擔心會不習慣。問到回巢無綫拍劇可有提出要求，Dicky表示唯一要求是每日要有10小時休息時間，他笑說：「呢頭應承，嗰頭話要畀半年時間拍。都有損失，半年其他工作都唔做得。（損失幾多？）冇計，冇一千都有幾百蚊（萬）。」