來源: 蘋果日報
張衛健重返大台拍劇 獲曾勵珍樂易玲陪行紅地毯
上年張衛健出席大台遊戲節目就話︰「就算人仔跌唔跌，我都有可能返TVB」事後又話如果曾勵珍願意參與拍劇客串，佢一定會考慮。
今日張衛健就落實返大台拍台慶劇《大帥哥》，仲喺五星級酒店舉行簽約儀式，張衛健更由高層曾勵珍和樂易玲陪同下走紅毯出場，認真巴閉，「齊天大聖」係唔同啲。
大台近年最愛找N年前舊將回巢，繼「鷲哥」吳岱融 ，今日離開大台超過20年的張衞健又強勢回歸，出席台慶劇《大帥哥》簽約儀式，還好有面子，由高層曾勵珍同樂易玲陪住行紅地毯。
大台一向出手低，加上當年張衛健只係要求加人工就搞到不歡而散。今次張衛健願意返娘家拍劇，唔通人工好高? 非也，據張衛健講今次不問酬勞，只要求有足夠的睡眠時間和參與題材討論，加上適逢娘家50歲，為了報答母校提攜自己入行的「母校」創立50週年，他專程騰空半年時間回巢拍劇。
52歲的張衞健話「珍姐睇住我大，好了解我演戲嘅節奏，私生活都知。」𠵱家貴為助理總經理的曾勵珍請到張衛健出山，感動到喊出來。有報導話張衞健早前講回巢條件係珍姐要演埋一份，張衛健就笑言「係講啫」。 至於曾勵珍是否為了令張衛健回巢而客串做演員，張衛健就話人家已經是助理總經理，當然不會。
當年由張衛健主演的《西遊記》時，令他人氣急升，加上劇集又收得，大台欲找張衛健傾拍續集的時候，就因為酬金方而出現分歧，當時仲有人跟張衛健說過「不要以為你演了猴子，你就了不起了，你要是臉上不沾毛，你是不值錢的！」之後張衛健決定不拍，並回大陸發展，之後他更索性剃光頭，用行動去證明如果他頭上一條毛都可以好賺錢。
不過其實張衛健唔係亂噏，權傾大台多年，主掌戲劇部的珍姐，今年64，40幾年前真的做過演員。維基百科咁形容珍姐：「1970年加入香港電台擔任播音員，後曾在電視劇《七十三》（無綫電視）、《獅子山下》（香港電台）等演出，人稱「珍姐」......曾勵珍曾經對幕前工作很感興趣，是為投身無綫的第二年，曾參與電視劇《相見好》的演出。」
唔講得笑，珍姐當年有名叫「電池珍」，75年拍的處境劇《相見好》做女二，戲份只在李琳琳之後，擅演諧角。冬菇頭爆炸裝都掂！
大台幾十年的處境劇都由珍姐炮製，如果真的出山，下套好喎！
沒有留言:
發佈留言