【網絡】張衛健回巢傾片酬峰迴路轉

日期: 2017年2月16日
來源: 香港01

張衛健回巢傾片酬峰迴路轉  曾勵珍喊出嚟: 信我咪得囉！

今次可以成功令張衛健回巢無綫參演台慶劇《大帥哥》，最大功勞非現時TVB助理總經理（戲劇製作）的曾勵珍(珍姐)莫屬，張衛健形容珍姐算是生命中除了媽咪及老婆，第三位對自己重要嘅女人，「珍姐睇住我大，好了解我演戲嘅節奏，私生活都知，連溝過幾多個女仔都清楚。」而大家最關心的片酬，Dicky就話傾嘅過程好「峰迴路轉」，而珍姐聞言後就講「洗乜傾，信我咪得囉！」

而珍姐指今年是無綫50周年，是一個里程碑，所以就特意找來一些由TVB培養出來的演員，「一直都想搵佢，但佢在外地不停工作好忙。今次50周年係一個好好嘅藉口，所以就打畀佢：『老竇(TVB)50歲，返嚟賀壽得唔得先？』佢一秒鐘就答應。」

其實由TVB出來的演員亦有很多，但她就指當時心中人選非張衛健莫屬，但若果當時Dicky拒絕，咁點算呢？珍姐說，「我第一個就諗起佢。」而片酬方面，珍姐直言畀幾多都不及外面嘅價錢，「佢回來主要目的不是為錢，亦沒有提及過（酬勞）。他只是跟我說檔期同休息時間。」