【報紙】離巢廿年! 親揭重返無綫三大原因

* 編按:
相關影片可以按這裡觀看。

日期: 2017年2月16日
來源: 東方日報

離巢廿年! 張衞健親揭重返無綫三大原因

創造過不少收視神話神、演活《西遊記》孫悟空的張衞健，離巢無綫逾二十年後回巢「母校」拍攝台慶劇《大帥哥》。下午無綫隆重其事在尖沙咀舉行「歡迎張衛健回巢賀壽」，並舉行參演《大帥哥》」簽約儀式，張衞健拖着兩大高層曾勵珍與樂易玲行紅地氈進場，隨後在台上揮筆進行簽約儀式。

張衞健離巢廿年，今次回巢拍劇，都係因為一個情字，佢喺《西遊記》演孫悟空令角色深入民心。

張衞健記招變成Talk Show，哽咽地講出三個回巢原因，有笑有淚。

張衞健表示生命中最重要嘅其中一個女人就係珍姐。

張衞健今次回巢直言係幫TVB賀壽，佢又話喺出面咁多年總算冇丟架。

簽約似娶兩個老婆

張衞健隨後將記招變成Talk Show，有笑有淚。司儀問樂易玲對張衞健回歸有甚麼感受？她說：「當然嗱嗱聲簽，上一次咁隆重簽字就係同老公結婚。」張衞健笑說：「我當年結婚行紅地氈都係得老婆一條女，今次有兩件。」曾勵珍笑說：「兩條阿嬋（嬸）。」張衞健則大賣口乖讚她風韻猶存。

樂易玲（左起）、張衞健、曾勵珍及徐正康攜手打造《大帥哥》。

張衞健續說今次返無綫有三個原因，都是圍繞一個情字，他說：「第一，今年係TVB五十歲，非常重要嘅一年，我嘅演藝生命係呢度在誕生，係呢度茁壯成長，展翅高峰，雖然唔算飛得好高，但出去都無丟架，要感激母校。」

張衞健進場時一拖二，拖住樂易玲及曾勵珍，極有面子。

大筆一揮，張衞健正式簽約。

曾勵珍搭住張衞健膊頭講出深情說話，場面感人。

健仔當年同黎耀祥、麥包、江華合作嘅《西遊記》，堪稱經典！

同場有宋熙年

答謝香港觀眾

張衞健指第二是要多謝香港觀眾，雖近二十年工作重心不在香港，但每次返港工作都獲得香港觀眾的歡呼和掌聲，飲茶也不用排隊等位，觀眾又追問他何時返港拍劇，所以希望為香港人拍一部劇，回饋香港市民，張衞健表示：「第三個原因係為咗感謝生命中其中一位重要嘅女人珍姐，珍姐睇住我長大，佢連我TVB溝過幾多條女佢都知，但係佢從來無逼我回巢，今次係重大日子，佢親自邀請，就二話不說答應。

張衞健又講到傾談片酬過程峰迴路轉，曾勵珍笑說：「使乜傾，信我咪得！」他指對方開價時自己「吓」了一聲，但曾勵珍指價錢已很高，他惟有說「哦，咁好啦！」曾勵珍對與相識30多年的張衞健不計酬勞回巢感動不已，更愈說愈激動哽咽，場面感人。