來源: 蘋果日報
【曾勵珍肯出山做演員？】52歲張衞健回巢TVB拍劇半年搞喊珍姐！
張衞健(Dicky)當年演《西遊記》孫悟空，相當出色，離巢無綫逾廿年，外闖發展多年……
今日宣佈回巢，其實之前已經聽到啲風聲，錄曾志偉套《我愛香港》時，佢就笑言返大台嘅「唯一要求」就係高層珍姐曾勵珍肯出山做演員，要對方喺第一集同大結局亮相就夠，總之「佢OK我OK」，講到咁……唔通真係珍姐「出山」!
52歲張衞健晏晝出席台慶劇《大帥哥》簽約儀式
張衞健由高層曾勵珍同樂易玲陪佢行紅地毯出嚟
曾勵珍同張衞健相識30幾年
52歲張衞健晏晝出席台慶劇《大帥哥》簽約儀式，由高層曾勵珍同樂易玲陪佢行紅地毯出嚟，真係好有面，張衞健指今次若果唔返TVB，將來亦未必有下次，怕有心都冇力，呢個決定係經過深思熟慮，被問早前講回巢條件係珍姐要參與演出？佢笑言係講啫，珍姐睬佢都傻，珍姐o依家係助理總經理。
張衞健仲話離開TVB嘅原因係酬勞太低，好難生活，呢次為咗慶祝TVB台慶50週年，張衞健推咗唔少job，決定抽半年時間返去拍劇，仲話不問酬勞，只係要求有足夠睡眠時間，同參與一啲題材討論，曾勵珍同張衞健相識30幾年，今次不計酬勞回巢，企喺身邊嘅曾勵珍聞言即感動落淚，張衞健又話曾勵珍係睇住佢成長，連自己喺TVB媾過幾多條女，曾勵珍都知!
張衞健指今次不計酬勞回巢
企喺身邊嘅曾勵珍聞言即感動落淚
今次張衞健拍劇，嚟緊就要同身在北京工作嘅老婆張茜分隔兩地，張衞健話聚少離多，反而令佢哋長久恩愛。據知《大帥哥》呢套劇搵咗蔡思貝、洪永城、曹永廉同楊秀惠等演出。即係要會聽到高分貝把聲……
沒有留言:
發佈留言