來源: 頭條日報
回巢拍台慶劇 52歲張衛健 中環試人氣
二十年前憑無線劇《西遊記》演活孫悟空一角而爆紅的張衛健(Dicky)，毅然離巢返內地掘金，名利雙收更娶埋個靚老婆張茜。不過「馬騮仔」Dicky好念舊情，月初出席回巢無線儀式，落實下月拍攝50周年台慶劇《大帥哥》。日前下午，Dicky一支公插袋Chok行中環。見他行完置地、再行JOYCE，其間偶遇鬍鬚佬好友，他即興奮舉手機影個friend，再一齊歎茶。回歸香港視圈，心情寧舍爽呀！
2月份對中佬張衛健嚟講係三喜臨門。張氏夫婦都係本月生日之外，日前Dicky在恩師曾勵珍及樂易玲傍實下，出席回巢無線拍攝50周年台慶劇《大帥哥》的簽約儀式。張衛健表示要回饋「母校」和報答香港觀眾多年支持，亦要感謝生命中重要的女人珍姐(曾勵珍)，所以不計酬勞回巢。
保鮮有計 - 年過半百的張衛健，外表襟老，加上身形的骰，新劇配26歲嘅蔡思貝，OK嘅！
笑口偷影 - 張衛健突然舉機影相。
巧遇好友 - 原來撞見好朋友，兩人索性搵地方歎茶。
幾時都要型 - 張衛健keep住單手插袋，一手拎鞋睇。
插袋Chok行
下月，張衛健將會聯同「無線孖寶」蔡思貝和洪永城合拍《大帥哥》，戲中美魔男Dicky與思貝演情侶。就快埋班，日前下午，張衛健獨自出遊中環試吓人氣。慣性戴帽的光頭Dicky孭背包輕鬆行置地廣地。他在名店插袋Chok行，兜了個圈，隨即坐低試白底波鞋。試完唔啱，又起身單手插袋再揀過，逗留約十五分鐘，無收穫就轉場行去對面的JOYCE。照樣插晒袋行街的Dicky，速睇一輪又走人，折返置地。等紅綠燈時，他離遠發現圈外好友影蹤，鬼馬Dicky即笑笑口拎出手機偷影對面馬路的影相鬍鬚佬friend，影完再趨前吹水。難得有個伴，二人擇日不如撞日，行去附近搵位high tea。
報恩拍劇 - 日前，張衛健在兩大高層樂易玲(左)及曾勵珍(右二)傍實下，出席簽約儀式。同場有台慶劇《大帥哥》監製徐正康(右)。
身家豐厚 - 張衛健近年在內地拍劇，加上Big Four(圖)開騷，有指他在港有逾億物業。
愛妻駐北京 - 張茜早前在北京開設美容院，下月丈夫在港拍劇，兩公婆要暫時分開幾個月。
張茜在馬爾代夫的無人島，為2月8日牛一的丈夫打造浪漫晚餐。
蛋糕頂嘅泳裝公仔，參照二人去年嘅沙灘照，張衛健當時攬住太太話︰「我最愛的陽光、海灘與老虎」，好有意義。
============================================================
沒有留言:
發佈留言