【報紙】回巢因邵逸夫: 冇計較過一分一毫

日期: 2017年2月16日
來源: 東方日報

張衞健回巢因邵逸夫: 冇計較過一分一毫

記招尾聲張衞健突然嚴肅起來，講到當年離巢往事，他說：「今日如果阿sir（指邵逸夫）喺度，好想同佢講拍完《西遊記》唔續約，的確係因續約價錢唔啱，今次再返嚟TVB並冇計較過一分一毫，希望佢老人家高興，觀眾亦睇得開心，畫上完美的句號。」

張衞健話佢今次再返嚟TVB並冇計較過一分一毫。

張衞健受訪講到曾勵珍感動得哽咽，他表示：「係好感動，係呢個功利社會好難合作唔計較金錢，自己唔計較都要為公司着想，做到要天時、地利、人和，首先自己要有唔計較嘅心，唔計較拍劇半年，冇得做其他工作嘅真正損失。去到呢個年紀，我覺得唔計得咁多，離開咗20年其實不斷有人搵我，但係今次唔同，係50周年，呢個機構同香港息息相關，冇呢個機構自己亦入唔到行，觀眾睇住我長大，我同香港嘅觀眾係有一份感情，同埋咁多年自己有個心願，好想用廣東話去拍一套戲（劇），但係咁多年嚟大環境都冇機會。」

張衞健話當年的確係因續約價錢唔啱先離巢。

講曾勵珍一度哽咽

張衞健指今次若果不回巢，將來亦未必有下次，他說：「下個50周年，我有心都冇力啦，今次唔返將來都唔會返，今次嘅決定係經過深思熟慮。」張衞健早前笑言回巢條件是曾勵珍參與演出？他笑說：「我講啫，佢睬我都傻啦，佢家依家係助理總經理嚟。」

樂易玲（左起）、張衞健、曾勵珍

張衞健與「母校」講心不講金，問到有沒有爭取其他條件？他說：「傾完題材之後，我就同監製講我需要瞓覺，老人家唔攰得，咁耐冇拍都想有個最佳狀態，唔想每日瞓兩個鐘，同珍姐講想有十個鐘休息，珍姐話吓？我同監製傾吓先。監製話得，不過要拍半年，到我話吓？就咁傾咗拍半年。」此外，劇集的女主角由蔡思貝擔任，其他演員有洪永城、曹永廉、徐榮、譚凱琪等。