【網絡】買定底褲赴美宣傳新片

日期: 2008年11月3日
來源: 網絡

張衛健買定底褲赴美宣傳新片

徐小明、張衛健與黃翠如等昨日出席電影《奪標》宣傳活動，席上張衛健與徐小明一展身手，打木人樁表演。張衛健笑言為該片宣傳十分辛苦，因要到多個地方宣傳，連見女友張茜的時間也沒有：「之前做宣傳都冇去咁多地方，但係可以見到唔同地方既Fans都OK，仲同電影公司簽冲約，將所有檔期留畀佢地做新片宣傳。（咁咪唔見好多？）係推左好多工作，但依家做野唔係全部講錢。」

他笑言因不停到各地宣傳，令行李內的內衣褲早已用光：「工人呢排血壓高，雖然啲底衫褲疊到好高，但我都唔想叫佢幫我洗，做完野後就要去買番啲底衫褲，準備飛去美國繼續宣傳。」同場的黃翠如表示，該片成為美國《中美電影節》的開幕電影，故將與張衛健等飛往當地出席盛會。