作者: 傻甘
日期: 2008年11月15日
今日走o左去睇奪標........ 如果呢套戲o既主角唔係張衛健的話.........
我一定必然唔會去睇....... 因為見到張海報都已經有滴汗o既感覺.........
之但係...... 張衛健係一個我由細已經好中意睇o既演員........ 所以嘛......
感覺就係不到黃河心不死...... 話曬呢套都係佢第一次擔正o既電影 (以我所知啦..)......
故事以當年中國第一次參加奧運做背景......
中國更有機會o向閉幕式道表演功夫...... 向世界宣揚中國武術.......
故事訊息正面...... 有教育意義...... 之但係........ presentation極度有問題.......
老土到不可以再老土..... 娘到不可以再娘......
故事內容就係話當時運動員&武術隊都唔夠經費...... 然後就想辨法籌錢......
當中無厘頭又加入奸角、富商獨子被綁架......
當然唔少得說教一番....... 大義凜然o既大道理......
poster.......
劇情都唔想講咁多喇.......
套戲o既賣點係功夫片........ 本來諗住當睇武打場面囉.......
點知....... 都係失望....... 打係有打....... 但唔突出..... 未有精彩位....... 亦無緊張位.......
講螳螂拳就真係影完隻螳螂就影返個人....... 講鷹爪功就真係影住隻鷹捉魚......
我仲好懷疑o個段鷹捉魚o既片係咪copy and paste o既添.........
可以拍返o的咁80年代feel o既片...... 導演"功"不可沒啦....... 徐小明大哥~~~~~!!!
到演員喇..... 除o左張衛健&肥媽之外....... 無一個我係識o既.......
先講肥媽..... 未睇之前仲有o的擔心佢會做到好騎呢.......
結果...... 佢o既演出俾我預期之中好....... 完全融入o左個角式.......
保護富商稚子o個幕佢做得都幾生鬼...... 而呢場戲......
亦係成套劇入面唯一一場比較見得人&正常o既場面....... 而且都ok好笑~
到張衛健喇....... 先講造形...... well...... 查實佢呢個look都ok幾好睇.......
不過佢都始終年紀都唔細了........ 好難再扮後生....... 早幾年都仲得.......
但我諗佢往後唔可以再係咁了....... 而且....... 佢呢個頭同套戲都真係唔多match......
由細睇到大........ 佢從來都唔係屬於武打類形....... 但就屬於身手靈活o個隻.......
在我呢個外行人睇o黎...... 算係咁啦.......
之但係小強就話佢唔ok囉....... 係擺pose而唔係打喎......
噢~ 乜係咩?!~ 我真係唔識睇囉.......
電影一開頭佢已經係小背心出場....... 我一見到佢隻手臂......
不禁從心底講o左句: "o下?!~ 拍打戲喎...... 乜隻手咁奀 o既......"
到電影尾段......... 真係打到要赤裸上半身....... 嘩~~~ 好明顯係努力練過o黎啦~~~
完全係兩個身形........ strong好多...... 對臂唔係話超勁....... 但都有o的睇頭.......
連膊頭位都睇得出係好明顯有練過o既........
對於張衛健...... 呢個我由細就中意睇o既演員..........
我仲有好多o野想講.......... 第篇再講過啦.......
但就佢今次o向呢套戲o既表現...... 一貫張衛健式演釋.......
女主角死o個幕佢喊o個o下我覺得佢處理得唔好....... 做唔到個效果出o黎囉.......
對於呢套奪標....... 如果要理性地去評分....... 兩星半都俾多佢...... 頂盡俾兩星.......
再加埋主觀感情&由細到大對張衛健o既感情分...... 頂頂頂頂頂到盡都只可以俾三星.......
沒有留言:
發佈留言