【網絡】憶述當年月薪只得3000要養全家

日期: 2017年3月17日
來源: 香港01

張衛健重返TVB好感慨　憶述當年月薪只得3000要養全家

講咗咁耐，TVB 50周年台慶劇《大帥哥》今日終於開鏡拜神。張衛健回歸TVB第一日開工，雖然今日場戲只得一句對白，但重返舊地，心情就非常開心。他笑言離開TVB一段日子，就好似很久沒回家鄉，一切都變得好陌生：「我連化妝間、廠號都唔記得了，今日回來都要特登找劇組人員等我落車，幫我帶路。」

張衛健今次在《大帥哥》一拖三，坐正靚老婆中間，真係好有豔福。

隔了一段長時間，再回TVB張衛健指已經人面全非，難怪有點感慨。

提到今次回歸TVB，張衛健突然很感慨，說要找回當初單純的自己，他說：「當時我真係好純粹，而我人生入面，最辛苦最難捱的時間都是在TVB的日子。那時我剛入去，細佬又在加拿大讀書，未投身社會，我就每個月拎住3,000元人工去工作、去養我家人。不過，那種生活雖然辛苦，但都是我最義無反顧、最熱血的日子，今次回來就是想找回這種感覺。」

問到其妻子張茜最近被網民攻擊外貌走樣，張衛健笑言：「點會唔知呢！？」其後他就教老婆幾招反擊：「我同她說應該即刻影十張素顏照，千萬不要美肌、改圖，然後擺上微博，咁就可以證明一切。」作為好老公，當然力挺自己老婆依然keep得好，對網民攻擊一笑置之。