【報紙】張衞健老婆睇住蘇康BB出世

* 編按:
相關影片可以按這裡觀看。

日期: 2017年3月22日
來源: 蘋果日報

蘇永康榮升爹哋  張衞健老婆睇住出世

現年49歲的蘇永康（阿公）老來得子，前日老婆馮翠珊為他誕下兒子，不過，阿公尚未公佈喜訊，好友雷頌德昨在尖沙嘴出席攝影集分享會卻率先爆響口：「嚟緊都會幫蘇永康影，佢噚日做咗爸爸啦，你哋唔知咩？」

開心BIG FOUR有後

據知，阿公原本想待母子出院後才宣佈喜訊，怎知卻忽然被公佈榮升爸爸，惟有昨提早報喜：「好多謝大家關心，小弟的確係榮升咗老竇級啦！母子平安，BB好可愛。第一次做爹哋，心情當然係非常非常感動同開心！新手上任，有啲手忙腳亂，所以請容許大家畀少少時間我，過兩日等我安定下來，先同大家分享我嘅喜悅！」

蘇永康早前才與臨盆在即的太太在銅鑼灣行街。

張衞健透露太太張茜全程陪着蘇永康太太生B。

好友張衞健昨在電話說：「我老婆（張茜）特登喺北京返嚟陪佢老婆生仔，阿康仲自己剪臍帶㖭，見到佢戴住手術帽、着手術衫、揸住把鉸剪，真係《妙手仁心》上身。」問阿公有否感動到喊？健仔笑說：「咁又冇喊，我感動到喊，BIG FOUR終於有後。BB手長腳長樣似老母，我即刻放心晒嘞，似阿媽咁咪靚仔。老婆話入產房前，阿公舉手投足依然係架勢，但生完揸住BB手指即刻溫柔晒，我好戥康媽抱孫開心。」

Wyman改名被拒

同場的黃偉文（Wyman）戥阿公開心，他透露看過BB相，覺得頭大似爸爸，體重約6磅多，晚上9時許出世，更自爆幫BB改英文名Kelab，但被蘇媽媽拒絕了，他眼濕濕說：「冇得改名都會錫BB，知道佢母子平安真係想喊。」徐濠縈則說：「恭喜蘇家BIG FOUR添丁，第一個男『袋』，祝BB健健康康快樂成長。」