相關影片可以按這裡觀看。
日期: 2017年3月21日
來源: 東方日報
張衞健太太張茜目擊蘇康剪臍帶：Big Four有後
49歲歌手蘇永康老來得子，太太Anita昨晚約9時許在醫院誕下兒子。康仔老友張衞健（Dicky）接受東網訪問，Dicky開心得連講6次「好感動」！Dicky說：「係呀！蘇康太太生咗，因為我哋Big Four幾個成員都好忙，Edmond（梁漢文）又同太太去咗旅行，所以我老婆（張茜）做咗代表陪Anita入院生，我忙到半夜返去睇視頻，喺視頻度見到蘇康幫個仔剪臍帶，睇完真係好感動。」
張衞健表示透過視頻目擊蘇康剪臍帶，笑言：「Big Four有後喇。」
49歲歌手蘇永康老來得子，親自剪臍帶！
張衞健太太張茜陪蘇永康太太Anita到醫院產子。
好彩冇剪錯子孫根
Dicky表示對蘇康好欽敬，他笑說：「最初都驚佢矇查查剪臍帶時，剪錯佢個仔嘅子孫根，點知佢冇剪錯，仲好醒，一手揸較剪、一手揸手機拍攝，仲識得zoom in，成個『妙手仁心』咁款。（咁BB似邊個？）BB手長腳長，似佢老婆，睇完我即刻放心晒！根據我老婆講，Anita生之前蘇康好有阿公氣勢，但佢個仔出世後，佢啲眼神就變得好溫柔。」最後Dicky戥好兄弟開心得高呼：「Big Four有後喇！」
沒有留言:
發佈留言