【報紙】回巢憶往事 張衞健認冇以前咁單純

* 編按:
相關影片可以按這裡觀看。

日期: 2017年3月17日
來源: 東方日報

回巢憶往事  張衞健認冇以前咁單純

張衞健（Dicky）在將軍澳電視廣播城出席無綫50周年台慶劇《大帥哥》開工拜神儀式。未以大帥Look亮相的他在訪問時，明顯仍對回巢非常感觸，指重返無綫遇到不少老朋友：「我聽得最多嘅係『冇變架喎你』！但大家睇錯啫，其實我變得複雜嘅，冇以前咁單純。」

張衞健今日為新劇拜神。

張衞健話回巢後聽得最多就係「冇變架喎你」。

佢就話自己有變，變得複雜。

張衞健返娘家諗起好多往事。

不過佢就話香港拍劇冇乜壓力，大陸就要諗賣片。

嘩！真係群星拱照。

大陸拍劇壓力大

他更表示雖然以前覺得在無綫拍劇十多年時間辛苦，但現在回望便認為該段時光比較少壓力：「嗰時搵朝唔得晚，得每月$3500人工，淨係屋租都已經$3500，仲要養屋企同供細佬喺加拿大讀書。但返上去拍戲，成日要諗賣片好大壓力，唔同香港咁冇乜競爭。」除此之外，他又覺得在內地開工要諗用普通話度橋諗對白好大壓力：「所以我好享受用廣東話做戲！」